महत्वाच्या बातम्या

 अरविंद पोरेड्डीवार यांच्या स्वागतासाठी गडचिरोलीत उसळला जनसागर 


- सहकार क्षेत्रातील प्रतिष्ठेच्या जीवनगौरव पुरस्काराने नाशिक मध्ये गौरव

विदर्भ न्यूज एक्सप्रेस 

प्रतिनिधी / गडचिरोली : राज्याच्या सहकार क्षेत्रात नावलौकिक प्राप्त केलेले सहकार महर्षी अरविंद सावकार पोरेड्डीवार यांना महाराष्ट्र सहकारी बँक असोसिएशन मुंबईच्या वतीने राज्याच्या सहकार क्षेत्रातील कै. विष्णू अण्णा पाटील जीवनगौरव पुरस्कार नाशिक येथील एका कार्यक्रमात प्रदान करण्यात आला. अरविंद पोरेड्डीवार यांना प्रदान करण्यात आलेला जीवनगौरव पुरस्कार हा त्यांच्या सहकार क्षेत्रातील उल्लेखनीय कार्याची पावती असून राज्यस्तरावर गडचिरोली जिल्ह्याचा नावलौकिक वाढवणार आहे. 

सहकार क्षेत्रात अरविंद पोरेड्डीवार यांचे मंगळवारी गडचिरोली शहरात आगमन झाले. त्यांचे गडचिरोली शहरातील इंदिरा गांधी चौकात जल्लोषात स्वागत करण्यात आले. जेसीबीच्या साह्याने भला मोठा पुष्पहार व पुष्पदृष्टी करण्यात आली. त्यांच्या स्वागतासाठी सहकार राजकीय क्षेत्रासह विविध क्षेत्रातील नागरिकांनी मोठी गर्दी केली होती.

यावेळी उपस्थित खासदार अशोक नेते, आमदार डॉ. देवराव होळी, आमदार कृष्णा गजबे प्रामुख्याने उपस्थित होते. इंदिरा गांधी चौकात जल्लोषात स्वागत करण्यात आल्यानंतर जिल्हा मध्यवर्ती सहकारी बँकेत अभिनंदन सोहळा आयोजित करण्यात आला. अभिनंदन सोहळ्याला भाजपाचे पदाधिकारी व सहकार क्षेत्रातील कार्यकर्तागन व शहरातील नागरिक मोठ्या संख्येने उपस्थित होते. 

सहकार महर्षी अरविंद सावकार पोरेड्डीवार यांना नाशिक येथील गोखले संस्थेच्या सभागृहात केंद्रीय सहकार मंत्रालयाच्या न्यू ड्राप्ट पॉलिसीचे चेअरमन तथा माजी केंद्रीय रेल्वेमंत्री सुरेश प्रभू, सहकार आयुक्त अनिल कवडे, महाराष्ट्र राज्य बँक्स असोसिएशनचे अध्यक्ष विश्वास ठाकूर यांच्या हस्ते जीवन गौरव पुरस्कार प्रदान करण्यात आला. सत्काराला उत्तर देतांना सहकार महर्षी अरविंद पोरेड्डीवार यांनी सहकार क्षेत्राचे महत्त्व विशद करून सहकार क्षेत्रातील अनेक आठवणींना उजाळा दिला आहे.





  Print






News - Gadchiroli




Related Photos