महत्वाच्या बातम्या

बल्लारपूर मध्ये गुंडगिरीला प्रोत्साहन : तरुणावर जीवघेणा हल्ला, गुन्हा दाखल

विदर्भ न्यूज एक्सप्रेस

प्रतिनिधी / बल्लारपूर : स्थानिक टिळक वॉर्डातील युको बँकेजवळील सास्ती रामनगर येथे राहणाऱ्या विजय नावाच्या तरुणावर आठ ते दहा गुंड तरुणांनी हल्ला केल्याची घटना उघडकीस आली आहे.

माहितीनुसार स्कॉर्पिओ क्रमांक एमएच ३४ एएम २१९१ मध्ये बसलेल्या विजय वर हल्ला केल्याची घटना समोर आली आहे. त्याला गाडीच्या बाहेर काढून लाठ्या-काठ्यांनी व हात पायांनी मारहाण करण्यात आले. त्यानंतर त्यांची स्कॉर्पिओ गाडी गोल गोल फिरवून तेथे असलेल्या विद्युत खांबाला व भिंतीला धडकून वाहनाचे नुकसान केले.

सदर घटना काल रविवारी रात्री १०.३० वाजता च्या सुमारास ची असल्याचे सांगितले जात आहे. जखमी विजय ला वैद्यकीय उपचार करून घरी पाठवण्यात आले आहे. या घटनेची तक्रार बल्लारपूर पोलीस ठाण्यात रात्री उशिरा नोंदवण्यात आली आहे. घटनास्थळावरून स्कॉर्पिओ गाडीची चावी घेऊन गेलेल्या समाजकंटकांमुळे बेवारस अवस्थेत गाडी उभी असल्याची माहिती समोर येत आहे.

काल रात्री सदर घटना रामनगर सास्ती येथील रहिवासी असलेल्या विजय नावाच्या तरुणासोबत घडली असून चंद्रपूर येथून कोळसा खाली करून आलेल्या ट्रकच्या चालकाला टोल टॅक्स (फास्ट टॅग) चे खर्च देऊन तो घरी परत असताना मारहाण केली. मारामारीचे कारण अद्याप स्पष्ट झाले नाही. शहरातील शांतता भंग करणाऱ्यांवर कारवाई करण्याची मागणी नागरिकांकडून होत आहे.