महत्वाच्या बातम्या

१७ दुचाकी चोरणाऱ्या तीन आरोपींना अटक : राजुरा पोलिसांची धडक कारवाई

विदर्भ न्यूज एक्सप्रेस

प्रतिनिधी / बल्लारपूर : राजुरा पोलिसांनी धडक कारवाई करीत १७ दुचाकी जप्त केले असून ३ आरोपींना अटक केले आहे. पोलीस स्टेशन राजुरा येथे

७ सप्टेंबर २०२३ रोजी फिर्यादी पवन दिनेश वाडगुरे रा. सोनीयानगर, राजुरा जि. चंद्रपुर यांनी पो.स्टेला तक्रार दिली होती की ६ सप्टेंबर रोजी सायंकाळ च्या सुमारास त्याचे मालकीचे हिरो कंपनीची स्प्लेंडर प्रो गाड़ी के एम.एच ३४ ए.टी ३४९३ दुचाकी घेऊन पोलीस भरतीची प्रॅक्टीसकरीता ज्योतीबा शाळा राजुरा येथे गेले होते व शाळेसमोरील गेटसमोर गाडीला हॅन्डल लॉक करून पोलीस भरती प्रक्टीस करीता शाळेत ग्राउंड मध्ये गेला व प्रॅक्टीस करून अंदाजे ७ वाजता गाडी ठेवलेल्या ठिकाणी येवुन पाहीले असता त्याला त्याची मोटार सायकल दिसली नाही. तेव्हा त्यांनी गाडीचे आजुबाजुचे परीसरात शोधा-शोध केली परंतु मिळून न आल्याने त्यांनी राजुरा पो. स्टे. येथे चोरी झाल्याची रिपोर्ट दिली. त्यावरून सदर गुन्हातील चोरीस गेलेली मोटार सायकलचा शोध घेणेकामी पोलीस स्टेशनचे ठाणेदार तथा गुन्हे शोध पथकातील प्रभारी सपोनी धर्मेद्र टी जोशी सोबत सफौ खुशाल टेकाम, पोहवा किशोर तुमराम पोहवा सुनिल गौरकार, पोशि बोलगोडेवर, पोशि रामराव बिंजेवाड, पोशि तिरुपती जाधव असे मिळुन अतिशय परीश्रम घेवुन तीन आरोपींना ताब्यात घेवुन लांना अटक केली. चंद्रपूर जिल्हयातील चोरीस गेलेल्या १६ मोटार सायकल असे एकुण १७ मोटार सायकल एकुण कि. ८ लाख २० हजार रुपये किमतीचे जप्त केले.

पोलीस स्टेशन अप क ४८६ / २०२३ कलम ३७९, ३४ भादवी आरोपी होमेश्वर उर्फ हर्बल नामदेव देवतळे वय २८ वर्ष, रा. लोनी ता कोरपना, जि. चंद्रपुर, मिलिंद जयभारत डंभारे वय ३० वर्ष रा. लोनी, ता. कोरपना, जि. चंद्रपुर, अलवास जावेद शेख वय २४ वर्ष, रा. देवाडा, ता. राजुरा, जि. चंद्रपुर यांना अटक केले.

सदरची कार्यवाही पोलीस अधिक्षक रविद्रसिंह परदेशी, अप्पर पोलीस अधिक्षक रिना जनबंधु , उपविभागीय पोलीस अधिकारी दिपक साखरे यांचे मार्गदर्शनाखाली राजुरा पोलीस स्टेशनचे ठाणेदार पोनी योगेश्वर पारधी, सपोनी धर्मेद्र टी जोशी सोबत सफौ खुशाल टेकाम, पोहवा किशोर तुमराम पोहवा सुनिल गौरकार, पोशि बोलगोडेवर, पोशि रामराव बिंजेवाड, पोशि तिरुपती जाधव यांनी केले.