नागपुरात 'गो एयर' कंपनीच्या युवा कर्मचाऱ्याची गळफास घेऊन आत्महत्या


विदर्भ न्यूज एक्सप्रेस 
प्रतिनिधी / नागपूर :
'गो एयर' कंपनीच्या युवा कर्मचाऱ्याने गळफास घेऊन आत्महत्या केल्याची  खळबळजनक घटना गुरुवारी दुपारी अजनीतील चंद्रमणीनगर भागात उघडकीस आली. 
मंथन महेंद्र चव्हाण (१९), असे मृताचे नाव आहे. कंपनीतील अधिकाऱ्याच्या छळाला कंटाळून त्याने आत्महत्या केल्याचा आरोप कुटुंबीयांनी केला आहे. पोलिसांनी दिलेल्या माहितीनुसार, मंथन याचे वडील महेंद्र खासगी काम करतात. आई सुषमा चव्हाण (शेंद्रे) या शहर पोलिस दलीतील विशेष शाखेत कार्यरत आहेत. मंथन याला सिमॉन हा लहान भाऊ असून तो सातव्या वर्गात शिकतो. सुमारे एक वर्षापूर्वी मंथन हा 'गो एयर' कंपनीत 'ग्राऊंड स्टाफ' मध्ये कामाला लागला. काही दिवसांपूर्वी त्याची प्रकृती खालावली. त्याने याबाबत कंपनीच्या अधिकाऱ्यांना माहिती दिली होती. आजारी असल्याची माहिती दिल्यानंतरही कंपनीचे अधिकारी त्याला कामावर बोलावित होते. त्याला नोकरीवरून काढण्याची धमकी देत त्याचा छळ करीत होते. त्यामुळे मंथन हा तणावात होता. यातूनच गुरुवारी दुपारी मंथन याने गळफास घेऊन आत्महत्या केली. अजनी पोलिसांनी आकस्मिक मृत्यूची नोंद करून तपास सुरू केला आहे. 



  Print






News - Nagpur | Posted : 2019-05-31






Related Photos