महत्वाच्या बातम्या

ओबीसीच्या आरक्षणा मध्ये कोणीही हस्तक्षेप करु नये : खासदार रामदास तडस

- श्री संताजी सेवा व सांस्कृतिक मंडळ वर्धा व्दारा आयोजीत गुणवंत विद्यार्थी गुणगौरव व जेष्ठ नागरिक सत्कार सोहळा संपन्न

विदर्भ न्यूज एक्सप्रेस

प्रतिनिधी / वर्धा : महाराष्ट्रात ओबीसी मध्ये कुणबी, तेली, माळी, वाणी, शिंपी, नाभिक, परीट, सुतार, कासार, कुंभार, सोनार यांच्या सह ३५० पेक्षा जास्त जातीचा समावेश आहे, महाराष्ट्रातील ओबीसी संख्या लक्षात घेता मिळणारे आरक्षण हे कमी आहे, ओबीसी समाजाची संख्येच्या आधारावर ओबीसी समाजाला आरक्षण मिळावयास हवे असेल तर ओबीसी आरक्षणाची टक्केवारी वाढायला हवी, मराठा समाजाच्या आरक्षणाला आमचा विरोध नाही. ओबीसी आरक्षणाला धक्का न लावता मराठा समाजाला आरक्षण मिळालं तर चांगलं आहे, परंतु मराठा समाजाला ओबीसी समाजामध्ये घुसविण्याचा प्रयत्न करीत आहे, हे बरे नाही, मराठा समाजाला ओबीसी प्रवर्गातून आरक्षण दिल्यास महाराष्ट्रातील संपुर्ण ओबीसी समाजावर अन्याय होईल, त्यामुळे संपूर्ण राज्यात ओबीसी बांधव रस्त्यावर उतरून आंदोलन करतील त्यामुळे ओबीसीच्या आरक्षणा मध्ये कोणीही हस्तक्षेप करु नये असे प्रतिपादन यावेळी खासदार रामदास तडस म्हणाले.

ते संताजी सेवा व सांस्कृतिक मंडळ, कृष्णनगर, वर्धा व्दारा आयोजीत गुणवंत विद्यार्थी गुणगौरव व जेष्ठ नागरिक सत्कार सोहळा कार्यक्रमात बोलत होते.

पुढे खासदार तडस म्हणाले की, आज जे गुणवंत विद्यार्थी तसेच पि.एच.डी, व जेष्ठ नागरिकांचा सत्कार होत आहे, हा सत्कार हा व्यक्तीचा नसुन त्यांनी मिळवीलेल्या कतृत्वाचा आहे, त्यांनी आपल्या गुणवत्तेच्या जोरावर यश मिळवीलेले आहे, तसेच समाजात महत्वपुर्ण कार्य केले आहे, त्यामुळे त्यांच्या कतृत्वाचा सत्कार होत आहे. समाजात कार्य करीत असतांना इतरांनाही आपली मदत होईल या दृष्टीकोनातुन कार्य करावे असेही यावेळी म्हणाले.

संताजी सभागृह, कृष्णनगर, वर्धा येथे संताजी सेवा व सांस्कृतिक मंडळ, कृष्णनगर, वर्धा व्दारा आयोजीत गुणवंत विद्यार्थी गुणगौरव व जेष्ठ नागरिक सत्कार सोहळा आयोजीत करण्यात आले, कार्यक्रम खासदार रामदास तडस यांच्या अध्यक्षस्थानी संपन्न झाले, कार्यक्रमाला माजी खासदार सुरेश वाघमारे, आमदार अभिजीत वंजारी, माजी आमदार राजुभाऊ तिमांडे, प्रशासक तथा मुख्याधिकारी राजेश भगत, म.प्रा.तै. महासभा जिल्हाध्यक्ष अतुल वांदिले, डॉ. राजेंद्र बोरकर, वर्धा एमआयडीसी असो. चे अध्यक्ष प्रविण हिवरे, गणेश ईखार, सतीश ईखार, माजी सभापती मिलिंद भेंडे, संताजी सेवा व सांस्कृतिक मंडळचे अध्यक्ष. शैलेंद्र झाडे, कार्याध्यक्ष अतुल वा. पिसे, सचिव हरिष हांडे, संचालिका सौ. शोभा तडस उपस्थित होते.

समाजातील १० वी व १२ वी गुणवत्ता प्राप्त तसेच पी.एच. डी धारक गुणवंत विद्यार्थ्यांचा सत्कार मान्यवरांच्या हस्ते करण्यात आला, सोबतच समाजातील विशेषकार्य केलेल्या जेष्ठांचासुद्धा सत्कार करण्यात आला.

यावेळी माजी खासदार सुरेश वाघमारे, आमदार अभिजीत वंजारी, माजी आमदार राजु तिमांडे, अतुल वांदीले, प्रविण हिवरे, मिंलींद भेंडे यांनी समोयोचीत मार्गदर्शन केले.

कार्यक्रमाचे प्रास्तावीक अध्यक्ष शैलेन्द्र झाडे यांनी केले, संचालन किरण पट्ेवार यानी केले तर उपस्थितांचे आभार सचिव हरिष हांडे यांनी मानले, कार्यक्रम यशस्वी करण्याकरिता संस्थेचे उपाध्यक्षा सौ. पुष्पा वि. डायगव्हाणे, उपाध्यक्ष किशोर गुजरकर, सहसचिव जगन्नाथ लाकडे, सहसचिव चंद्रकांत चामटकर, संचालक सुधिर चाफले, संचालक प्रशांत बुलें, संचालक सुनिल शिंदे, संचालक विनायकराव तेलरांधे, संचालक सचिन सुरकार, मनीषा शेंडे] गीता गवते, वैशाली खोडे, रोशनी चांबटकर, वैशाली गुजरकर, मुक्ता पिसे, वैशाली कामडी, मनीषा घुसे यांनी प्रयत्न केले, कार्यक्रमाला विद्यार्थी तसेच मोठया संख्येने पालक, जेष्ठ नागरिक व समाजबांधव उपस्थित होते.