महत्वाच्या बातम्या

सिंदेवाही : जि.प. शाळा क्रमांक दोनमध्ये अज्ञात इसमाने केली तोडफोड, शिवाजी महाराजाची मूर्ती गेली चोरीला

विदर्भ न्यूज एक्सप्रेस

तालुका प्रतिनिधी / सिंदेवाही : शहरातील जिल्हा परिषद प्राथमिक शाळा क्रमांक दोनची अज्ञात इसमाने केली तोडफोड. सदर घटना गुरुवार ७ सप्टेंबर च्या सकाळी उघडकीस आली.

माहितीनुसार, शहरातील हेट्टी वार्ड परिसरातील जिल्हा परिषद शाळा क्रमांक दोन च्या सहायक शिक्षिका वर्षा कश्यप नेहमी प्रमाणे गुरुवार ७ तारीखेला सकाळी शाळेत आले. असता त्यांना शाळेचे दार खुलल्या अवस्थेत दिसुन आले. त्या आतमध्ये प्रवेश करुन बघितले असता, लोखंडी कपाटाचे दार खुले होते. सोबतच संगणक यंत्र सुद्धा खाली पडलेले होते. दरम्यान पुन्हा सहायक शिक्षिका वर्षा कश्यप यांनी खोलीच्या आतील साहित्यांची पडताळणी केली असता त्यांना शिवाजी महाराजाची मूर्ती नसल्याचे दिसुन आले.

विशेष म्हणजे, या शाळेत एकच शिक्षिका आहे. शाळेत तोडफोड केल्याची माहीती शिक्षिका वर्षा कश्यप यांनी गटशिक्षणाधिकारी सिंदेवाही व पोलीस विभाग सिंदेवाही यांना दिली. बीडीओ अक्षय सुकरे व गटशिक्षणाधिकारी किशोर पिसे यांनी शाळेला भेट दिली. सोबतच पोलीस निरीक्षक तुषार चव्हान, पोलीस उपनिरीक्षक सागर महले यांनी सुद्धा शाळेला भेट देऊन पाहणी केली.