गोंडवाना विद्यापीठात पे रोल मॉड्युल चे उद्घाटन
- हे मॉड्युल विकसित करणारे गोंडवाना विद्यापीठ महाराष्ट्रातले पहिले विद्यापीठ
विदर्भ न्यूज एक्सप्रेस
प्रतिनिधी / गडचिरोली : ई-समर्थ प्रणाली संचालित पे रोल मॉड्युलचे उद्घाटन नुकतेच गोंडवाना विद्यापीठाचे कुलगुरू डॉ. प्रशांत बोकारे यांच्या हस्ते पार पडले. प्रमुख अतिथी म्हणून प्र-कुलगुरु डॉ. श्रीराम कावळे, कुलसचिव डॉ. अनिल हिरेखन, वित्त व लेखाअधिकारी भास्कर पठारे यांची उपस्थिती होती.
या मॉड्युल द्वारे जुलै महिन्याची पेमेंट स्लिप तत्काळ कर्मचाऱ्यांना त्यांच्या ई-मेल वर उपलब्ध झाली.
याप्रसंगी कुलगुरु डॉ. प्रशांत बोकारे म्हणाले, ई समर्थ लिव्ह मॉड्युल नंतर विद्यापीठाने पे रोल मॉड्युल विकसित केले आहे. या मॉड्युल द्वारे विद्यापीठातील कर्मचाऱ्यांना पेमेंट स्लिप त्यांच्या मेल वर उपलब्ध होते. विद्यापीठाचा डिजिटल युनिव्हर्सिटी होण्याकडे कल आहे. या मॉड्युल साठी त्यांनी वित्त विभागातील सर्व कर्मचाऱ्यांचे अभिनंदन केले. भविष्यात पुढेही नवनवीन मॉड्युल अस्तित्वात येतील असे ते म्हणाले. संचालन व आभार या प्रोजेक्ट चे समन्वयक डॉ. प्रशांत सोनवणे यांनी केले .
काय आहे पे रोल मॉड्युल :
पे रोल मॉड्युल बोनस आणि कपातीसह कर्मचाऱ्याच्या पगाराच्या सर्व आर्थिक नोंदींची बेरीज ठेवते. कर्मचार्यांना विशिष्ट कालावधीत प्रदान केलेल्या सेवांसाठी दिलेली रक्कम याची नोंद ठेवते .
पेरोल मॅनेजमेंट सिस्टम मध्ये एखाद्या संस्थेला त्याच्या कर्मचार्यांचे वेतन (भत्ते आणि कपात) व्यवस्थापित करण्यासाठी, मासिक पगार आणि सर्व वेतन-संबंधित अहवाल तयार करण्यास मदत करते.
हे मॉड्यूल शैक्षणिक संस्थेतील सर्व आर्थिक आणि वित्तीय कार्ये हाताळते. हे कर्मचार्यांचे पगार सुलभ करते .
ई समर्थ हा भारत सरकारच्या शिक्षण मंत्रालयाच्या अंतर्गत एक प्रकल्प आहे. विकास इन्स्टिट्यूट ऑफ इन्फॉर्मेटिक्स अँड कम्युनिकेशन, दिल्ली विद्यापीठाने राष्ट्रीय मिशन इन एज्युकेशन आयसीटी अंतर्गत स्थापना केली आहे.
समर्थ प्रकल्प विद्यापीठात टप्प्याटप्प्याने राबविण्यात येणार आहे. या प्रकल्पाचा हा दुसरा टप्पा आहे.या प्रकल्पासाठी सहायक प्रबंधक, ई- समर्थ, प्रणाली विवेक सिंग आणि सहायक अरुण मिश्रा यांचे मार्गदर्शन लाभले. पे रोल मॉड्युल विकसित करणारे गोंडवाना विद्यापीठ महाराष्ट्रातील पाहिले विद्यापीठ आहे.
News - Gadchiroli