महत्वाच्या बातम्या

 राष्ट्रीय पशुधन अभियानाचा लाभ घ्या : जिल्हा पशुसंवर्धन अधिकारी डॉ. सुरेश कुमरे 


विदर्भ न्यूज एक्सप्रेस 

प्रतिनिधी / गडचिरोली : जिल्ह्यातील सुशिक्षित बेरोजगारांनी राष्ट्रीय पशूधन अभियान या योजनेचा लाभ घेण्याकरीता बँक ऑफ इंडिया आरसेटी गडचिरोली यांचे प्रशिक्षण यशस्वी करा असा मोलाचा सल्ला जिल्हा पशुसंवर्धन अधिकारी डॉ. सुरेश कुमरे यांनी दिला . 

ते ग्रामीण विकास मंत्रालय भारत सरकार द्वारा प्रायोजीत आणि बँक ऑफ इंडिया द्वारा संचालीत ग्रामीण स्वरोजगार प्रशिक्षण संस्था (आरसेटी) गडचिरोली येथे बकरी पालन व कुक्कूट पालन या दहा दिवसीय निवासी प्रशिक्षण कार्यक्रमाच्या उद्घाटन समारंभ प्रसंगी केले. 

निव्वळ परंपरागत पद्धतीने व्यवसाय न करता प्रशिक्षण घेऊन अद्यावत माहिती सह बकरी पालन व कुक्कूट पालन व्यवसाय आर्थिक स्थैर्य देऊ शकतो. असा आशावाद त्यांनी उपस्थित प्रशिक्षणार्थ्यांना दिला. राष्ट्रीय पशूधन अभियान हे पोर्टल ऑनलाईन असून त्या करीता प्रशिक्षण प्रमाणपत्राची गरज असल्याने दहा दिवसीय प्रशिक्षण यशस्वी करण्याचे आवाहन या प्रसंगी केले. सोबतच योजनेत नामांकन करतांना कोणते कागदपत्रांची आवश्यकता असते, याची विस्तृत माहीती प्रशिक्षणार्थ्यांना देण्यात आली.  

याप्रसंगी आरसेटी गडचिरोली चे वरिष्ठ कार्यक्रम समन्वयक हेमंत मेश्राम तथा पुरुषोत्तम कुनघाडकर आणि दोन्ही प्राशिक्षण कार्यक्रमातील ७० प्रशिक्षणार्थी उपस्थित होते. कार्यक्रमाचे सूत्रसंचालन आणि आभार प्रदर्शन पुरुषोतम कुनघाडकर यांनी केले.





  Print






News - Gadchiroli




Related Photos