शहीद जवानांच्या कुटुंबियांना आर्थिक मदत प्रदान, मृतक वाहनचालकाच्या कुटुंबियांना २ लाखांची मदत जाहीर


विदर्भ न्यूज एक्सप्रेस 
प्रतिनिधी / गडचिरोली :
१ मे रोजी नक्षल्यांनी कुरखेडा तालुक्यातील जांभुखेडा गावाजवळ घडवून आणलेल्या भुसुंरूगस्फोटात १५ जवान शहीद झाले होते. या शहीद जवानांच्या कुटुंबियांना आज २७ मे रोजी अप्पर पोलीस महासंचालक राजेंद्र सिंग यांच्या हस्ते प्रत्येकी ५० लाख ५० हजाराची आर्थिक मदत प्रदान करण्यात आली. नक्षल्यांच्या हल्ल्यात जीव गेलेल्या  खाजगी वाहनचालकाच्या कुटुंबियांना २ लाखाची मदत देण्यात येणार आहे.
यावेळी पोलीस अधीक्षक शैलेश बलकवडे, अप्पर पोलीस अधीक्षक महेंद्र पंडीत उपस्थित होेते.  १५ शहीद जवानांच्या कुटुंबियांना  शासनाकडून प्रत्येकी १ कोटी ८ लाखाची आर्थिक मदत जाहीर करण्यात आली आहे. त्याचबरोबर शहीद जवानांच्या  कुटुंबियांना शहीद जवानांच्या सेवानिवृत्तीपर्यंत वेतन अदा करण्यात येणार आहे. तसेच शहीद जवानांच्या कुटुंबियातील एका वारसदारास शिक्षण पात्रतेनुसार शासकीय नोकरीत सामावून घेण्यात येणार आहे.
 नक्षल्यांच्या हल्ल्यात जीव गेलेल्या खाजगी वाहनचालकाच्या कुटुंबियांना २ लाखाची व वाहन मालकास १ लाखाची मदत देण्यात येणार आहे.  तसेच वाहनचालकाच्या कुटुंबियांना पोलीस अधिकारी व कर्मचाऱ्यांच्या वेतनातून आर्थिक मदत करण्यात येणार आहे. त्याचबरोबर मृतक वाहचालकास विशेष आर्थिक मदत मिळावी याकरीत शासनस्तरावर पाठपुरावा केला जाणार आहे.
 

 



  Print






News - Gadchiroli | Posted : 2019-05-27






Related Photos