महत्वाच्या बातम्या

पतीच्या मृत्यू धक्क्याने पत्नीचा ही नागपूर येथे उपचारादरम्यान मृत्यू

- कोरेगाव चोप येथील दुःखद घटना

विदर्भ न्यूज एक्सप्रेस

प्रतिनिधी / गडचिरोली : दहा दिवसा अगोदर कोरेगाव चोप येथील मोरेश्वर मारुती मुंडले वय ५२ हा आपल्या शेतात सकाळी १० वाजताच्या सुमारात रासायनिक खत मारत असताना त्याचा अचानक मृत्यू झाला होता. त्यासोबत त्याची पत्नी मीनाक्षी ही सुद्धा शेतावर होती. पतीच्या मृत्यू डोळ्यादेखत झाल्याने तिला बेशुद्ध अवस्थेत ब्रह्मपुरी येथे उपचारासाठी नेण्यात आले व ती ब्रह्मपुरी येथे उपचारासाठी असतानाच मोरेश्वर मुंडले यांच्यावर अंत्यसंस्कार करण्यात आले. पतीचे अंत्यसंस्कार पात्र पडले पण पत्नी मीनाक्षी मात्र तिची प्रकृती बिघडत चालली पाहून ब्रह्मपुरी येथील डॉक्टरांनी तिला नागपूर येथील एका खाजगी हॉस्पिटलमध्ये भरती करण्यास पाठविले. प्रकृती उलट बिघडत चालल्याने डॉक्टरांनी मेंदूवर शस्त्रक्रिया करण्यात आली. पाच दिवसा अगोदर मेंदूची शस्त्रक्रिया झाली, पण अखेर मीनाक्षी मोरेश्वर मुंडले हिचा आज शनिवारी दुपारी १ वाजता उपचारादरम्यान मृत्यू झाला. पती-पत्नीच्या या दुखद निधनामुळे परिसरात हळहळ व्यक्त केली जात आहे. आज सायंकाळी चोप येथील पाटलीन तलावावर अंत्यसंस्कार करण्यात येणार आहे. त्यांच्या पश्चात दोन विवाहित मुली व एक अविवाहित मुलगा, सासू असा परिवार आहे.