महत्वाच्या बातम्या

मुरमाडी येथे जलद बसेस चा थांबा द्यावा : सरपंच रुपाली रत्नावार यांची मागणी

- सिंदेवाही आगार प्रमुख यांना दिले निवेदन

विदर्भ न्यूज एक्सप्रेस

प्रतिनिधी / सिंदेवाही : सिंदेवाही तालुक्यापासून ४ किलोमीटर अंतरावर असलेल्या मुरमाडी या गावातील विद्यार्थी ५ वी नंतरचे शिक्षण घेण्यासाठी सिंदेवाही या तालुक्याच्या ठीकाणी येतात. सकाळी ११ ते १२ च्या दरम्यान निश्चित बसची उपलब्धता नसल्यामुळे विद्यार्थ्यांना ताटकळत उन्हा- पावसात उभे राहावे लागते. दरम्यानच्या वेळेत अनेक सुपर बसेस निघून जातात पण थांबा नसल्याने विद्यार्थी उभे असताना सुद्धा थांबऊ शकत नाही. करिता मुरमाडी सरपंच यांच्या नेतृत्त्वाखाली मुरमाडीचे सर्व विद्यार्थ्यांनी सिंदेवाही आगार प्रमुख यांना निवेदन देवून बस थांबा देण्याची विनंती केली आहे.

बस थांबा सुरू होईपर्यंत एका विशेष बसची सुविधा निर्माण करून सकाळी ११ तसेच संध्याकाळी ५ वाजता बस उपलब्ध करून विद्यार्थ्यांची रोज होणारी गैरसोय दूर करावी, अशी विनंती निवेदनातून केली आहे.