महत्वाच्या बातम्या

शासकीय वसतिगृहात व्यावसायिक अभ्यासक्रमाच्या प्रवेश प्रक्रीया सुरू

विदर्भ न्यूज एक्सप्रेस

प्रतिनिधी / नागपूर : सामाजिक न्याय व विशेष सहाय्य विभागाव्दारे मागासवर्गीय विद्यार्थ्यांसाठी चालविण्यात येणारी शासकीय वसतिगृहे आणि निवासी शाळा सुरू करण्यात आलेली आहे. सन २०२३-२४ या शैक्षणिक सत्राकरीता ऑफलाईन प्रवेशासाठी अर्ज करण्याची प्रक्रिया सुरू झाली असून २० सप्टेंबर शेवटची तारीख आहे.

व्यावसायिक अभ्यासक्रमाकरीता ज्या विद्यार्थी किंवा विद्यार्थीनींना शासकीय वसतिगृहात प्रवेश घ्यावयाचा आहे, त्यांनी मागासवर्गीय मुलींचे शासकीय वसतीगृह, वसंतनगर, दिक्षाभुमी चौक, येथून अर्ज प्राप्त करून निर्धारित मुदतीत सादर करावा. असे आवाहन समाज कल्याणच्या सहायक आयुक्त सुकेशिनी तेलगोटे यांनी केले आहे.

प्रवेशासाठीची पहिली निवड यादी २६ सप्टेंबर ला प्रसिद्ध करण्यात येणार आहे, पहिल्या निवड यादीनुसार विद्यार्थ्यांच्या प्रवेशाची अंतिम मुदत ८ ऑक्टोबर आहे. रिक्त जागेवर प्रतिक्षा यादीमधील गुणवत्तेनुसार १२ ऑक्टोंबरला निवड यादी प्रसिद्ध केली जाणार, दुसऱ्या निवड यादीतील विध्यार्थ्यांच्या प्रवेशाची तारीख २० ऑक्टोबर असून पहिल्या व दुसऱ्या निवड यादीखेरीज जागा रिक्त राहिल्यास स्पॉट ॲडमिशन देण्यात येणार याची नोंद सर्व विद्यार्थ्यांनी घ्यावी.