राज्यातील वरिष्ठ पोलिस अधिकार्‍यांच्या बदल्या, गडचिरोली परिक्षेत्राचे पोलिस उप महानिरीक्षक अंकुश शिंदे सोलापूरला


- महादेव बी. तांबडे  गडचिरोली परिक्षेत्राचे  नवे पोलिस उप महानिरीक्षक
विदर्भ न्यूज एक्सप्रेस 
प्रतिनिधी / मुंबई :
राज्याच्या गृह विभागाने आज  शुक्रवारी राज्यातील काही वरिष्ठ पोलिस अधिकार्‍यांच्या बदल्या केल्या आहेत. त्यामध्ये ७  वरिष्ठ पोलिस अधिक्षक दर्जाच्या अधिकार्‍यांना पोलिस उप महानिरीक्षक / अप्पर पोलिस आयुक्‍त पदी बढती देण्यात आली आहे. तर गडचिरोली परिक्षेत्राचे  पोलिस उप महानिरीक्षक अंकुश शिंदे यांची सोलापूर शहर पोलिस आयुक्‍तपदी नियुक्ती करण्यात आली आहे. त्यांच्या जागी  सोलापूर शहर पोलिस आयुक्‍त महादेव बी. तांबडे यांची बदली करण्यात आली आहे. 
पदोन्‍नतीने बदली झालेल्या पोलिस अधिकार्‍यांची नावे  
अनिल कुंभारे (पोलिस उपायुक्‍त, परिमंडळ - ८ , बृहन्मुंबई ते अप्पर पोलिस आयुक्‍त, ठाणे शहर – पदोन्‍नतीने), ज्ञानेश्‍वर सदाशिव चव्हाण (पोलिस उपायुक्‍त, परिमंडळ- २, बृहन्मुंबई ते अप्पर पोलिस आयुक्‍त, संरक्षण व सुरक्षा, बृहन्मुंबई – पदोन्‍नतीने), दिलीप आर. सावंत (पोलिस उपायुक्‍त, गुन्हे प्रकटीकरण शाखा, बृहन्मुंबई ते अप्पर पोलिस आयुक्‍त, उत्‍तर विभाग, बृहन्मुंबई – पदोन्‍नतीने), एस.एच. महावरकर (पोलिस उपायुक्‍त, मुख्यालय, सोलापूर शहर ते अप्पर पोलिस आयुक्‍त, उत्‍तर विभाग, नागपूर शहर – पदोन्‍नतीने), एस.डी. येनपुरे (पोलिस उपायुक्‍त, एल.ए. ४, मरोळ, मुंबई ते अप्पर पोलिस आयुक्‍त, पश्‍चिम विभाग, ठाणे शहर – पदोन्‍नतीने), नवीनचंद्र दत्‍ता रेड्डी (पोलिस उपायुक्‍त, परिमंडळ – १० , बृहन्मुंबई ते पोलिस उप महानिरीक्षक, राज्य राखीव पोलिस बल, पुणे – सध्याचे पद उन्‍नत करून – पदोन्‍नतीने) आणि रामनाथ लक्ष्मणराव पोकळे (उपायुक्‍त, राज्य गुप्‍तवार्ता विभाग, मुंबई ते अप्पर पोलिस आयुक्‍त, पिंपरी-चिंचवड – पदोन्‍नतीने).
बदल्या झालेल्या पोलिस उप महानिरीक्षक / अप्पर पोलिस आयुक्‍तांची नावे आणि त्यापुढील कंसात कोठुन कोठे बदली झाली हे पुढील प्रमाणे
महादेव बी. तांबडे (पोलिस आयुक्‍त, सोलापूर शहर ते पोलिस उप महानिरीक्षक, गडचिरोली – नागपूर कॅम्प), सत्यनारायण (अप्पर पोलिस आयुक्‍त, पश्‍चिम विभाग, ठाणे शहर ते पोलिस उप महानिरीक्षक, व्ही.आय.पी. सुरक्षा, मुंबई – पद अवनत करून), अंकुश आर. शिंदे (पोलिस महानिरीक्षक, गडचिरोली – नागपूर कॅम्प ते पोलिस आयुक्‍त, सोलापूर शहर) आणि श्रीकांत तरवडे (पोलिस उपमहानिरीक्षक, अमरावती परिक्षेत्र, अमरावती ते अप्पर पोलिस आयुक्‍त, दक्षिण विभाग, पुणे शहर)



  Print






News - Rajy | Posted : 2019-05-24






Related Photos