महत्वाच्या बातम्या

स्थानिक अल्लापल्ली रस्त्यावर अपघात : ट्रकच्या धडकेत आजीचा मृत्यू तर नातू जखमी

विदर्भ न्यूज एक्सप्रेस

प्रतिनिधी / बल्लारपुर : स्थानिक अल्लापल्ली रस्त्यावरील बीटीएस प्लॉटजवळ ट्रकने मोपेडला धडक दिल्याने ७२ वर्षीय महिलेचा मृत्यू झाला तर एक तरुण जखमी झाला. मृत व जखमींमध्ये आजी व नातवंडाचे समावेश आहेत.

सदर घटना काल चार वाजताच्या च्या सुमारास घडली. लक्ष्मी मल्लेश बंदेलवार (७२) असे मृत महिलेचे नाव असून त्या डॉ. आंबेडकर वार्ड बल्लारपूर येथील रहिवासी आहेत. नरसिंग कोंडा हे आजी लक्ष्मी बंदेलवार यांच्यासोबत मोपेड क्रमांक एमएच ३४ बीएस ८३२० वरून राजुरा येथे जात होते. दरम्यान, मागून येणाऱ्या ट्रक क्रमांक एमएच ३४ बीजे ९१३१ ने त्यांना धडक दिली. त्यामुळे लक्ष्मीबाईचा मृत्यू झाला तर नातू नरसिंगकोंडा याला गंभीर दुखापत झाली.

याप्रकरणी गुन्हा दाखल झाले असून पुढील तपास बल्लारपूर पोलीस करीत आहेत.