महत्वाच्या बातम्या

 विकासाकरिता जि.आय.एस. डेटाबेसची उपयुक्तता


- जागतिक बँकेच्या प्रतिनिधी सोबत चर्चा

विदर्भ न्यूज एक्सप्रेस 

प्रतिनिधी / नागपूर : विकासाचे अपेक्षित ध्येय साध्य करण्यासाठी डेटाबेस मॅनेजमेंट सक्षम करणे आवश्यक आहे. यासाठी रिमोट सेन्सिंगद्वारे उपलब्ध डेटा या संदर्भात महाराष्ट्र रिमोट सेन्सिंग अॅप्लिकेशन सेंटर, नागपूर येथील सभागृहात जागतिक बँकेची चमू व नागपूर येथील महाराष्ट्र रिमोट सेन्सिंग अॅप्लिकेशन सेंटर वरिष्ठ वैज्ञानिक यांचेशी चर्चा करण्यात आली.

जागतिक बँकेचे वरिष्ठ सांख्यिकीय थॉमस डॅनीमयवीडस राष्ट्रीय सांख्यिकी प्राणलीच्या ग्लोबल एक्स्पर्ट प्रा. पाऊल च्युग, आर्थिक विकास बँकेचे प्रोग्राम मॅनेजर मालर विरप्पण, पॉवर्टी अँड इक्विटी ग्लोबल प्रॅक्टिस वर्ल्ड बँकच्या श्रेया दत्ता, पब्लिक सेक्टर स्पेशयलिस्ट नेहा गुप्ता, नागपूर विभागाचे उप आयुक्त (नियोजन) धनंजय सुटे, अर्थ व सांखिकी विभागाचे सहसंचालक प्रमोद केंभावी व महाराष्ट्र रिमोट सेन्सिंग अॅप्लिकेशन सेंटरचे प्रभारी संचालक दिलीप कोलते, वारिष्ट शास्त्रज्ञ डॉ. संजय पाटील, डॉ. आनंद शाक्य व इतर सर्व वारिष्ट वैज्ञानिक यावेळी उपस्थित होते.

महाराष्ट्राच्या सर्वांगीण विकासाकरीता भौगोलिक माहिती प्रणाली हा अत्यंत महत्वाचा घटक असून याचा उपयोग महाराष्ट्रातील विविध शासकीय विभागाला झालेला आहे. महाराष्ट्र रिमोट सेन्सिंग अॅप्लिकेशन सेंटरद्वारे ई पंचनामा, महामदत, महाअग्रिटेक, वेयरहाऊस नकाशीकरण, सैरीकल्चर, जलयुक्त शिवार, पाणी पुरवठा आणि स्वच्छता, भूजल सर्वेक्षण व विकास, पी. एम् गतिशक्ती, अमृत सिटी प्रकल्प, महाभूमी आदी प्रकल्पांतर्गत जिओ डेटाबेस च्या सहाय्याने वेब व मोबाइल अपलिकेशन राज्याच्या विकासासाठी उपलब्ध करून देण्यात आलेला असून त्याबाबत माहिती जागतिक बँकेच्या चमुला देण्यात आली आहे.

एकात्मिक जिल्हा नियोजन करणे कमी भौगोलिक माहिती प्रणालीची सांखिकी माहिती प्रणालीसही सांगड कशी घालावी याबद्दल विस्तृत चर्चा करण्यात आली. जागतिक बँकेने संबंधित महाराष्ट्र रिमोट सेन्सिंग अॅप्लिकेशन सेंटर, नागपूर येथील रचना व कार्यपद्धती तांत्रिक माहिती व डेटाबेस याबद्दल सविस्तर माहिती घेतली. कार्यक्रमाची सांगता डॉ. श्रीमती टूटू सेनगुप्ता यांच्या आभार प्रदर्शनाने करण्यात आली.





  Print






News - Nagpur




Related Photos