पाच लाखांनी जिंकेन असा दावा करणारे काँग्रेसचे नेते नाना पटोले आता खरोखरच संन्यास घेणार का ?


विदर्भ न्यूज एक्सप्रेस 
 प्रतिनिधी /  नागपूर :
एका वृत्तवाहिनीवर भाजपचे मंत्री गिरीश महाजन  यांच्याकडून   मी नक्कीच पाच लाखांनी जिंकेन, 'नागपुरातून गडकरी निवडून आले तर मी राजकारणातून संन्यास घेईन', असे  आव्हान स्वीकारणारे काँग्रेसचे नेते नाना पटोले आता खरोखरच संन्यास घेणार का, अशी चर्चा नागपूर लोकसभेच्या निकालानंतर राजकीय वर्तुळात रंगू लागली आहे.   
नागपुरातील  निवडणुकीकडे संपूर्ण देशाचे लक्ष लागले होते. निवडणुकीच्या निमित्ताने झालेल्या चर्चेत राज्याचे जलसंपदा मंत्री आणि नागपुरातील काँग्रेसचे उमेदवार नाना पटोले यांच्यातील एका वृत्तवाहिनीवर जुगलबंदी रंगली. ती चर्चा निर्णायक वळणावर आली तेव्हा पटोले म्हणाले की, 'मी गडकरींना पाच लाखांनी हारवून दाखवेन'. तेव्हा गिरीश महाजन यांनी त्यांना थांबविले. 'गडकरी यांच्यापेक्षा एक मत जरी अधिकचे घेतले तर मी राजकारणातून संन्यास घेईन', अशी घोषणा महाजन यांनी केली. त्याचवेळी, 'पण तुम्ही   निवडून नाही आलात तर राजकीय संन्यास घ्याल का असे', असे आवर्जून विचारले. त्यावर तत्काळ, नाना यांनी 'होय, मी गडकरींना हरविणारच', या उद्गारांचा पुनरुच्चार केला. राजकीय संन्यास घेईन हे आव्हानही पटोलेंनी स्वीकारले. 
गुरुवारी मतमोजणी झाली. गडकरी यांनी पहिल्या फेरीपासूनच आघाडी घेतली. ती प्रत्येक फेरीगणिक ती वाढतच होती. गडकरींनी निर्णायक आघाडी घेतल्यानंतर भाजपच्या कार्यकर्त्यांनी पटोले यांना त्यांच्या घोषणेची आठवण करून देण्यास प्रारंभ केला. राज्याचे ऊर्जामंत्री चंद्रशेखर बावनकुळे यांनी ' पटोले यांनी आधी घोषित केल्याप्रमाणे सक्रिय राजकारणातून निवृत्त व्हावे', असे आवाहन केले. गडकरी यांनी मात्र राजकीय परिपक्वता दाखविली. विजयी आघाडी निश्चित झाल्यानंतरच्या पत्रपरिषदेत पटोले यांना उद्देशून गडकरी म्हणाले, 'राजकारणात जय-पराजय होतच असतात. त्यांनी संन्यास घेऊ नये. जनतेची कामे करावी. विरोधक म्हणून भूमिका पार पाडावी असे गडकरी म्हणाले. तर  राजकीय संन्यास घ्यायचा की नाही हे नंतर बघू. सामाजिक काम करण्यापासून मला कुणीही रोखू शकणार नाही, असे नाना पटोले यांनी म्हटले आहे. 



  Print






News - Nagpur | Posted : 2019-05-24






Related Photos