महत्वाच्या बातम्या

 किटकजन्य आजाराला प्रतिबंध करा, आजार टाळा : आरोग्य विभागाचे आवाहन


विदर्भ न्यूज एक्सप्रेस 
प्रतिनिधी / भंडारा : जिल्हयात किटकजन्य आजारामध्ये वाढ होण्याची शक्यता  आहे. किटकजन्य आजाराचे हिवताप, डेंग्यू. ए. ई. एस.चिकनगुनिया,मेंदुज्वर चंडीपुरा या आजाराचा संभाव्य उद्रेक होण्याची शक्यता नाकारता येत नाही. किटकजन्य रोंगाचा प्रादुर्भाव थांबविण्याकरिता विशेष करुन हिवताप, चंडीपुरा, मेंदुज्वर, डेग्युं, चिकनगुणिया इत्यादी आजाराच्या प्रतिबंधाकरिता विविध उपाययोजना तातडीणे राबविणे आवश्यक आहेत. जिल्हयातील मोहाडी तालुक्यात प्रा. अ. केंद्र, करडी, वरठी, जांब येथे प्रत्येक १ डेंग्यु दुषित रुग्ण व तुमसर तालुक्यात १ डेंग्यु दुषित रुग्ण तसेच भंडारा तालुक्यात प्रा.अ.केंद्र,खमारीत २ डेंग्यु दुषित रुग्ण आढळून आलेल आहेत. तसेच पवनी तालुक्यातील प्रा.आ.केंद्र कोंढा येथे हिवतापाचा १ रुग्ण साकोली तालुक्यात प्रा.आ.केंद्र,एकोडी येथे हिवतापाचा २ रुग्ण, तर तुमसर तालुक्यात प्रा.आ.केंद्र,नाकाडोंगरी येथे हिवतापाचा ७ रुग्ण दुषित आढळून आलेले आहेत.तेथे हिवताप उद्रेंक आलेला असून २ रुग्णाचा हिवतापाने मृत्यू झालेला आहे. ही फार गंभिर बाब आहे. हे परिस्थिती लक्षात घेता जिल्हयात कोणत्याही ठिकाणी हिवताप डेंग्यु या आजाराचा उद्रेक होण्याचे नाकारता येत नाही.

त्याकरिता हिवताप व डेंग्युचे संभाव्य उद्रेक टाळण्यासाठी स्थानिक परिस्थितीनुसार गाव पातळीपर्यत योग्य त्या प्रतिबंध व नियंत्रणासाठी उपाययोजना सतर्कतेने राबविणे गरजेचे आहे.किटकजन्य आजाराबाबत लोकांना माहिती व जनजागृती झाल्यास या मोहिमेला लोकांचे सहकार्य मिळण्यास मदत होते.त्यामुळे किटकजन्य रोग आटोक्यात ठेवणे शक्य होईल. 

त्यासाठी नागरिकांनी पुढील काळजी घ्यावी :
गावातील गटारे वाहती करणे,तसेच अनावश्यक खड्डे माती दगड टाकुण बुजवून टाकावीत जेणे करुन त्यात पाणी साचून डासांची उत्पती होणार नाही.  तसेच नागरिकांनी  आपल्या घरात किंवा घराशेजारी  वा गावालगत शेण टाकु नये, शेणाचे खड्डे किंवा शेणखताचे खड्डे खाली करुन शेतात घालण्याचे काम सुरु आहेत.

गावकऱ्यांनी शेण खताचे खड्डे गावापासून लांब  अंतरावर ठेवावे, तसेच घराशेजारी गोठयात, कचऱ्याच्या ढिगाऱ्यावर व घाणीच्या जागी मॅलेथीयान किटकनाशक पावडरची धूरळणी करावी, या किटकनाशकाचा खर्च ग्रामपंचायत व स्थानिक ग्राम आरोग्य पोषण पुरवठा समितीच्या निधीतून भागवावा.

तसेच आपल्या घराच्या आजूबाजूला नाल्या गटारात सांडपाणी साठु देवू नये, व शोष खड्डयाद्वारे पाण्याच्या निचरा करावा याकरिता आरोग्य शिक्षण द्यावे. व डासापासून स्वत:चा बचाव करण्यासाठी मच्छरदाणीचा वापर करण्यात यावा.आणि झोपतांना शरीराचा जास्तीत जास्त भाग झाकल्या जाईल असे कपडे घालावे. १५ वर्षा खालील मुलांना भिंतीपासून दूर झोपवावे, गावात डास व डुकरापासून बचाव होईल याची काळजी घ्यावी. या १५ वर्षाखालील मुलांना अचानक ताप येणे, वर्तणुकीत बदल होणे,झटके येणे व तात्काळ बेशुध्दा पडणे अशी लक्षणे आढळून आल्यास संबंधित रुग्णाला तात्काळ जवळच्या प्रा.आ.केंद्रात ग्रामीण रुग्णालयात व जिल्हा रुग्णालयात त्वरीत दाखल करावे, गावातील पिण्याच्या पाण्याच्या स्त्रोताचे योग्य पध्दतीने क्लोरिनेशन करावे.तसेच पाणीपुरवठा योजनेतर्गत दररोज क्लोरिनेशन करावे. याकरिता क्लोरिनचे योग्य प्रमाण असलेल्या ब्लिचिंग पावडरचा वापर करावा.

गावातील सर्व ग्रामस्थांच्या घरातील बाहेरच्या उपयोगासाठी पाणी साठवून ठेवण्याच्या हौदातील, मडके, राजंन, टाके, माठ असे इत्यादी वस्तूमध्ये ठेवलेले पाणी एका निश्चित दिवशी रिकामी करुन ती भांडी घासून पुसून कोरडी करुन पुन्हा वापरात आणावी. अशा प्रकारे गावात प्रत्येक घरी आठवडयातुन एका निश्चित दिवशी कोरडा पाळवा.

तसेच आपल्यास्तरावर धूरफवारणी यंत्र फॉगींग मशिन नादुरुस्त असल्यास दुरूस्त  करुन घावे.जर गावातील नळ योजनेची जमिनीतील टाकी आठवडयातून एक दिवश स्वच्छ करावे, तसेच ग्रामपंचायतीद्वारे गावात दंवडीव्दारे एक दिवस कोरडा पाळण्याचे व आरोग्यविषयक जनजागृती करण्याची कार्यवाही करण्यात यावी, तसेच प्रतिबंधात्मक उपाययोजनेची प्रभावी अंमलबजावणी करावी, असे आवाहन जिल्हा आरोग्य अधिकारी, डॉ.मिलींद सोमकुंवर, जिल्हा परिषद यांनी कळविले आहे.





  Print






News - Bhandara




Related Photos