५४२ जागांचे निकाल जाहीर होणार, कोण मारणार बाजी ?


- अंतिम निकाल गुरुवारी मध्यरात्री ते शुक्रवार सकाळपर्यंतच हाती येण्याची शक्यता
वृत्तसंस्था / नवी दिल्ली :
  अवघ्या जगाचे लक्ष लागलेल्या  लोकसभा निवडणुकीचा निकाल अवघ्या काही वेळातच सुरु होणार आहे.   सतराव्या लोकसभेच्या ५४३ पैकी ५४२ जागांचे निकाल जाहीर होणार   आहे. अंतिम निकाल गुरुवारी मध्यरात्री ते शुक्रवार सकाळपर्यंतच हाती येण्याची शक्यता असली तरी निकालाचा कल स्पष्ट होताच 'विजेता कोण?' हे  आजच स्पष्ट होणार आहे.  
बहुतेक एक्झिट पोलनी दाखवलेल्या विजयाच्या दिशेमुळे भाजप आणि रालोआमध्ये उत्साहाचे वातावरण आहे. निकाल जाहीर होण्यापूर्वीच पंतप्रधान नरेंद्र मोदी यांच्या नेतृत्वाखालील भाजप-रालोआने दुसऱ्यांदा पूर्ण बहुमतासह सत्तेत परतण्याची जय्यत तयारी केली आहे  यूपीएमधील घटक पक्षांमध्ये द्रमुक २५, राष्ट्रवादी काँग्रेस किमान १२, जनता दल सेक्युलर किमान ५ जागा जिंकण्याविषयी आश्वस्त आहेत. मध्य प्रदेश, राजस्थान, छत्तीसगड, गुजरातमध्ये एक्झिट पोलमध्ये दाखवली तशी काँग्रेसची स्थिती होणार नाही, असा दावा या राज्यांतील काँग्रेसचे नेते करीत आहेत. उत्तर प्रदेशात बसप-सप महाआघाडील ४५ जागा, तर पश्चिम बंगालमध्ये तृणमूल काँग्रेस ३३ जागा जिंकेल, असा विश्वास या पक्षांच्या नेत्यांनी व्यक्त केला आहे. 

 



  Print






News - World | Posted : 2019-05-23






Related Photos