नरेंद्र मोदी हे पुन्हा सत्तेवर येऊ नये ही पाकिस्तानातील नागरिकांची इच्छा


वृत्तसंस्था / अमृतसर :  नरेंद्र मोदी हे पुन्हा सत्तेवर येऊ नये असे पाकिस्तानातील नागरिकांचे म्हणणे आहे. भारतीय हवाई दलाने पाकिस्तानच्या सीमेत प्रवेश करत केलेल्या कारवाईनंतर पाकिस्तानी नागरिकांचे हे मत बनले असल्याचे सांगितले जात आहे. दोन्ही देशांच्या सीमेवरील तणाव लक्षात घेता उद्या २३ मे रोजी येणाऱ्या लोकसभा निवडणुकीच्या  निकालाकडे  पाकिस्तानचे लक्ष असणे ही आश्चर्याची गोष्ट नसल्याचे राजकीय अभ्यासकांचे मत आहे. 
भारतात पुन्हा नरेंद्र मोदी यांचे सरकार येऊ नये, अशा प्रकारच्या प्रतिक्रिया पाकिस्तानी नागरिक पाकमधील वृत्तवाहिन्यांवर देत आहेत. पाकमधील सोशल मीडियावर देखील अशाच प्रकारची मते पाहायला मिळत आहेत. 'मोदींना पुन्हा सत्तेत यायला नको. त्यांनी पाकिस्तानात सर्जिकल स्टाइक केले आहे', अशी प्रतिक्रिया लाहोरचे रहिवासी असलेले शाही आलम यांनी व्यक्त केली आहे. 
 पंतप्रधान इम्रान खान यांनी मात्र काही महिन्यांपूर्वी वेगळी प्रतिक्रिया व्यक्त केली आहे. मोदी यांनी २०१९ ची निवडणूक जिंकली तर दोन्ही देशांदरम्यानच्या शांततेच्या चर्चेसाठी चांगली संधी निर्माण होईल असे इम्रान खान म्हणाले होते.  



  Print






News - World | Posted : 2019-05-22






Related Photos