महत्वाच्या बातम्या

सिरोंचा नगरपंचायत कार्यालयात लोकप्रिय आमदार तथा कॅबिनेटमंत्री धर्मरावबाबा आत्राम यांचे जंगी स्वागत

विदर्भ न्यूज एक्सप्रेस

तालुका प्रतिनिधी / सिरोंचा : राष्ट्रवादी काँग्रेस पक्षाचे जेष्ठ नेते तथा महाराष्ट्र राज्याचे कॅबिनेटमंत्री धर्मरावबाबा आत्राम यांचा सिरोंचा नगरपंचायत कार्यालयाचे कर्मचाऱ्यांकडुन जंगी स्वागत करण्यात आले. यावेळी उपस्थित सिरोंचा नगरपंचायतचे नगराध्यक्षा फरजना शेख तसेच युवा व तडफदार उपाध्यक्ष बबलू पाशा आणि सहकार्य नगरसेविका, नगरसेवक यांनी धर्मरावबाबा आत्राम तसेच जि.प. माजी अध्यक्षा भाग्यश्री आत्राम (हलगेकर), ऋतुराज हलगेकर यांना पुष्पगुच्छ देऊन गौरविण्यात आले. त्यानंतर भाग्यश्री आत्राम यांच्या शुभहस्ते घनकचरा व्यवस्थापनाचे दोन नवीन गाड्यांचे उदघाटन करून लोकार्पण केले.

सिरोंचा नगरपंचायतीचे प्रभारी मुख्याधिकारी जितेंद्र शिकतोडे यांच्या उपस्थितीत शासन आपल्या दारी या योजने अंतर्गत सिरोंचा तालुक्यातील ५६५ जातीचे दाखले धर्मरावबाबा आत्राम यांच्या हस्ते वाटप करण्यात आले. तसेच प्रधानमंत्री आवास योजना(घरकुल)ज्यांचे पूर्ण झाले त्यांना प्रमाणपत्र देण्यात आले.

ज्यांचे काम प्रगतीपथावर आहे त्यांना चेक देण्यात आले. नवनिर्माण नगरपंचायत सिरोंचा नगरविकासकरिता निधी उपलब्ध करून द्या, अशी आवर्जून निवेदन देण्यात आले.

यावेळी उपस्थित राष्ट्रवादी काँग्रेस पक्षाचे तालुका अध्यक्ष मधुकरकोल्लूरी, माजी नगरसेवक रवी राल्लाबंडीवार, सामाजिक कार्यकर्ते तथा नगरसेवक सतीश भोगे, नगरसेवक जगदीश राल्लाबंडीवार, नगरसेवक तथा दैनिक देशोन्नती तालुका प्रतिनिधी सतीश राचारला, नगरसेवक तथा भगवंतराव कला महाविद्यालयाचे प्राचार्य रंजित गागापुरपूवार, नगरसेवक नरेश अलोने(आविस), नगरसेवक इम्तियाज खान(आविस), नगरसेविका सौ.पद्मा सतिश भोगे(शिवसेना शिंदे गट), नगरसेविका सौ.सपना सम्मय्या तोकला, नगरसेविका सौ.महेश्वरी संजय पेद्दपेल्ली, नगरसेविका नुशरत बाबर शेख(आविसव), नगरसेविका सौ.भवानी मारोती गणपूरपुवार(आविस), स्वीकृत नगरसेवक नागेशराव गागापुरपूवार, स्वीकृत नगरसेवक राजेश बंदेला(आविस), रा.युवक काँग्रेसचे तालुका अध्यक्ष तथा सोशल मीडिया तालुका अध्यक्ष एम डी.शानु, रा.का.पक्षाचे जिल्हाउपाध्यक्ष देवा येनगंदुला, वाल्मिकी मत्स्यव्यवसाय सहकारी संस्था अध्यक्ष मदनय्या मादेशी, सिरोंचा रा.का.पक्षाचे उपाध्यक्ष सत्यम पिडगू, सामाजिक कार्यकर्ते रवी सुल्तान, मधुकर इत्यादी उपस्थित होते.