महत्वाच्या बातम्या

दोन सराईत गुन्हेगाराला अटक : स्थानिक गुन्हे शाखा ची कारवाई

विदर्भ न्यूज एक्सप्रेस

प्रतिनिधी / बल्लारपूर : स्थानिक गुन्हे शाखेचे पथक गोपनीय माहितीच्या आधारे बल्लारशाह रेल्वे स्टेशनवर वर रेकॉर्डवरील २ गुन्हेगार स्थानिक गुन्हे शाखेच्या पथकाला आढळले, त्यांची चौकशी केली असता त्यांच्या जवळ असलेले सोन्या-चांदीचे दागिने व LED टीव्ही विकण्यासाठी ग्राहक शोधत असल्याची आढळून आले.

सदर मुद्देमाल हा गोंडपीपरी, भद्रावती व वणी जि. यवतमाळ पोलीस स्टेशनच्या हद्दीत केलेल्या घरफोडीचा असल्याचे दोघांनी कबुल केले.

स्थानिक गुन्हे शाखेने २६ वर्षीय सचिन उर्फ बादशाह संतोष नगराळे रा. सोमनाथपुर राजुरा व १८ वर्षीय मोईन उर्फ फैजान शरीफ शेख रा. कमलानगर, वडसा यांना अटक केली. आरोपी जवळून सोन्या-चांदीचे दागिने, रोख रक्कम व LED TV असा एकूण १ लाख ३ हजार ६७१ रुपयांचा मुद्देमाल जप्त करण्यात आला.

सदरची यशस्वी कारवाई पोलीस अधीक्षक रविंद्र परदेशी, अप्पर पोलीस अधीक्षक रिना जनबंधु यांच्या मार्गदर्शनाखाली स्थानिक गुन्हे शाखेचे पोलीस निरीक्षक महेश कोंडावार यांच्या नेतृत्वात सपोनि नागेशकुमार चातारकर, पोलीस कर्मचारी नितीन साळवे, प्रकाश बलकी, सुभाष गौहोकार, मुजावर अली, मिलिंद जांभुळे, सतीश बगमारे, नरेश डाहूले, रुषभ बारसिंगे यांनी केली.