गणितज्ज्ञ उमर खय्याम यांच्या ९७१ जयंतीनिमित्त गुगलचा खास डुडल


विदर्भ न्यूज एक्सप्रेस 
वृत्तसंस्था / नवी दिल्ली :
'जन्म आणि मृत्यू' ही माणसाच्या जीवनातील न उलगडणारी कोडी आहेत, असं सांगणारे प्रसिद्ध गणितज्ज्ञ उमर खय्याम यांची आज ९७१ वी जयंती आहे. या थोर गणितज्ज्ञाला आदरांजली म्हणून गुगलनेही खास डुडल बनवून त्यांना मानवंदना दिली आहे. 
उमर खय्याम हे अरब राजवटीतील सर्वोत्कृष्ट गणितज्ज्ञ आणि भविष्यवेत्ता होते. बीजगणिताच्या सिद्धांताचा वापर त्यांनी प्रथमच भूमितीचे प्रश्न सोडवण्यासाठी केला होता. प्रकाशाची गती सहाव्या एककापर्यंत त्यांनी अचूक शोधली होती. आपल्या गणिती प्रमेयांच्या साहाय्याने त्यांनी पहिलं सौर कॅलेंडर बनवलं होतं. आजही इराणी कॅलेंडरचा पाया खय्याम यांचं जलाली कॅलेंडर आहे. भूमितीतील हायपरबोला आणि त्यासंबंधित समीकरणांची निर्मितीही त्यांनी केली होती. एरवी गणित आणि साहित्य दोन्हींची आवड असणारी माणसं क्वचितच आढळतात. पण खय्याम यांनी मात्र या दोन्ही विषयांमध्ये प्रभुत्व मिळवले होते. खय्याम यांच्या कविता आजही साहित्यातील एक सर्वोत्कृष्ट कृती म्हणून पाहिल्या जातात. ग्रह ताऱ्यांचा अभ्यास करून त्यांनी ज्योतिषशास्त्रातही अनेक शोध लावले होते. याच महान साहित्यिकाला, गणितज्ज्ञाला मानवंदना देण्यासाठी गुगलने खास डुडल ठेवलं आहे. या गुगलमध्ये प्रतिकांच्या साहाय्याने खय्याम यांचे सगळे गुण दर्शवण्यात आले आहेत. त्यांनी लावलेला प्रकाशाच्या वेगाचा शोध, त्याचे साहित्य भूमितीतील शोध सर्वच या चित्रात विविध प्रतिकांनी रंगवण्यात आलं आहे. 



  Print






News - World | Posted : 2019-05-18






Related Photos