देसाईगंज नगर परिषदेची अतिक्रमण हटाव मोहीम दुसऱ्या दिवशीही


- फव्वारा चौक, सराफा लाईन येथील अतिक्रमण काढल्यानंतर बाजारपेठेत धडक कारवाई  
विदर्भ न्यूज एक्सप्रेस 
तालुका प्रतिनिधी / देसाईगंज : 
दिवसेंदिवस वाहनसंख्या व जिल्हयामध्ये सर्वात मोठी बाजार पेठ असलेल्या देसाईगंज शहरात वाढते अतिक्रमण चिंतेचा विषय बनलेला आहे. देसाईगंज नगर पालिकेने अतिक्रमण प्रकरण गांभिर्याने घेतले असुन १५ मे रोजी ला फवारा चौकात तसेच सराफा लाईन मधील वाढलेले  अतिक्रमण काढुन  आपला मोर्चा बाजारपेठेतील अतिक्रमण हटवण्याकडे वळवला असल्याने  शहरातील बेकायदेशिररित्या केलेल्या अतिक्रमण धारकांचे  चांगलेच धाबे दणाणले आहेत.
गडचिरोली जिल्ह्यातील सर्वात पहिली नगर परिषद असलेल्या देसाईगंज शहरात वाढत्या अतिक्रमणामुळे पार्किंग व वाहतुकीला प्रचंड अडथळा निर्माण होत आहे. देसाईगंज शहरातील मुख्य फवारा चौकात वाढलेल्या अतिक्रमणाच्या मोठ्या प्रमाणात तक्रारी  होत्या. तसेच सराफा लाईन व बाजारपेठेमध्ये वाढत्या ग्राहकांमुळे ये-जा करणाऱ्या  जनतेला फारच त्रास सहन करावे लागत होते.  याबाबत  आजुबाजुच्या त्रासलेल्या सराफा दुकानदारांनी व बाजारपेठेतील दुकानदारांनी  तक्रारी केल्याचे सांगीतले जात आहे.
 अजगरी विळख्यात सांपडलेल्या फवारा चौकात तसेच सराफा लाईन व बाजारपेठे मध्ये  देसाईगंज नगर परिषद च्या बांधकाम विभाग,नगर विकास विभाग व आरोग्य विभागाच्या संयुक्त विद्यमाने देसाईगंज पोसीस स्टेशनच्या पोलीसांकडुन संरक्षण मागुन मुख्याधिकारी डॉ कुलभुषन रामटेके यांच्या नेतृत्वात अतिक्रमण हटाव मोहिम राबविण्यात आली. अतिक्रमण हटविण्याची मोहिम आचारसंहिता असे पर्यंत सुरुच राहणार असल्याचे सांगीतले जात आहे. कुरखेडा- आरमोरी या राष्ट्रीय महामार्गावर असलेल्या अतिक्रमणावर तसेच रेल्वे विभागाच्या भुमिगत पुलापासुन- ब्रम्हपुरी रोडवर तसेच फवारा चौका पासुन ते नैनपुर रोडवर दुतर्फा झालेला अतिक्रमण काढण्यासाठी पालिका प्रशासन तयारीत असल्याचे सांगीतले जात आहे.

 



  Print






News - Gadchiroli | Posted : 2019-05-17






Related Photos