तलाठी पदभरती परीक्षा केंद्र परिसरात कलम १४४ लागू
विदर्भ न्यूज एक्सप्रेस
प्रतिनिधी / वर्धा : जिल्ह्यातील तीन परीक्षा केंद्रावर तलाठी पदभरतीसाठी ऑनलाईन पध्दतीने परीक्षा घेण्यात येत आहे. परीक्षेचे संचालन सुयोग्य प्रकारे व्हावे, परीक्षा केंद्रावर गैरप्रकार होऊ नये यासाठी जिल्हाधिकारी राहुल कर्डिले यांनी संबंधित परिक्षा केंद्राच्या परिसरात परीक्षेच्या कालावधीत १४४ लागू केले आहे.
१७ ते ३१ ऑगस्ट व १ ते १४ सप्टेंबर या कालावधीत जिल्ह्यातील तान्या कॉम्प्युटर, होंडा शोरुमच्या समोरील ट्रेझरी बँकच्या मागे, अभियांत्रिकी ऑफ इंजिनिअरींग ॲन्ड टेक्नॉलॉजी दत्ता मेघे इन्स्टीट्यूट ऑफ हायर एज्युकेशन ॲन्ड रिसर्च ईन्स्टीट्यूट सालोड हिरापुर, स्कुल ऑफ स्कॉलर्स सावंगी मेघे, अग्निहोत्री ऑनलाईन एक्झामिनेशन सेंटर एसएसपीएसीई बापुजी वाडी रामनगर या परिक्षा केंद्रांवर तलाठी पदभरती परीक्षा घेण्यात येत असून परीक्षा कालावधीत सकाळी ६ ते सायंकाळी ५ या वेळेत संबंधित परीक्षा केंद्राच्या परिसरात फौजदारी प्रक्रिया संहिता १९७३ चे कलम १४४ अन्वये प्रतिबंधात्म आदेश लागू करण्यात आले आहे.
प्रतिबंधात्मक आदेश कालावधीत परिक्षा केंद्राच्या १०० मीटर परिसरात २ अथवा त्यापेक्षा जास्त व्यक्तींच्या जमावावर आणि सदर परिक्षाचे परिसरात सर्व झेरॉक्स, मोबाईल, एसटीडी, आयएसडी, फॅक्स, संगणक, ई-मेल, इंटरनेट इत्यादी ईलेक्ट्राँनिक उपकरणे व ईलेक्ट्राँनिक्स सुविधांच्या वापरावर व परीक्षा केंद्राजवळील १०० मीटर परिसरातील असे केंद्रे सुरु ठेवण्यावर निर्बंध प्रतिबंध लावण्यात आले आहे. या आदेशाची काटेकोरपणे अंमलबजावणी करण्याबाबत सर्व संबंधितांनी कटाक्षाने दक्षता घ्यावी, असे जिल्हाधिकारी यांनी कळविले आहे.
News - Wardha