महत्वाच्या बातम्या

 मधमाशापालनासाठी मधकेंद्र योजना


विदर्भ न्यूज एक्सप्रेस 

प्रतिनिधी / नागपूर : महाराष्ट्र राज्य खादी व ग्रामोद्योग मंडळातर्फे मधकेंद्र योजना (मधमाशापालन) संपूर्ण राज्यात कार्यान्वित झाली आहे. या योजनेकरिता पात्र व्यक्ती व संस्थेकडून अर्ज मागविण्यात आले आहेत.

योजनेअंतर्गत वैयक्तिक मधपाळ घटकात अर्जदार हा साक्षर असावा. स्वतः ची शेती असल्यास प्राधान्य दिले जाईल. त्याचे वय १८ वर्षांपेक्षा जास्त असावे. 

केंद्रचालक प्रगतिशील मधपाळ  या घटकात  पात्र व्यक्ती हा  दहावी उतीर्ण असावा. त्याचे वय २१ वर्षांपेक्षा जास्त असावे. व्यक्तीच्या नावे किंवा त्या व्यक्तीच्या कुटुंबातील कोणत्याही सदस्यांच्या नावे किमान एक एकर शेतजमीन किंवा भाडेतत्वावर घेतलेली शेतजमीन असावी. लाभार्थ्यांकडे मधमाशा पालन, प्रजनन व मध उत्पादनाबाबतीत लोकांना प्रशिक्षण देण्याची क्षमता व सुविधा असावी.

केंद्रचालक संस्था या घटकात संस्था नोंदणीकृत असावी.  संस्थेच्या नावे अथवा भाडेतत्वावर घेतलेली किमान  एक हजार चौ.फुट सुयोग्य इमारत असावी. संस्थेकडे मधमाशा पालन, प्रजनन व मध उत्पादनाबाबतीत प्रशिक्षण देण्याची क्षमता असलेली सेवा केंद्र असावीत. या योजनेसाठी लाभार्थी निवड झाल्यानंतर प्रशिक्षणापूर्वी मध व्यवसाय सुरू करण्यासाठी मंडळास बंधपत्र लिहून देणे अनिवार्य राहील. मंडळाने निश्चित केलेल्या ठिकाणी प्रशिक्षण घेणे अनिवार्य असेल. या योजनेच्या अधिक माहितीसाठी जिल्हा ग्रामोद्योग अधिकारी, महाराष्ट्र राज्य खादी व ग्रामोद्योग मंडळ, उद्योग भवन- ६ माळा सिव्हिल लाईन, नागपूर येथे संपर्क साधावा.





  Print






News - Nagpur




Related Photos