महत्वाच्या बातम्या

 नागपंचमी निमित्य भाविकांना दूध वाटप : राष्ट्रवादी काँग्रेस पार्टीचा पुढाकार


विदर्भ न्यूज एक्सप्रेस 

तालुका प्रतिनिधी / अहेरी : तालुक्यातील आलापल्ली ते सिरोंचा या राष्ट्रीय महामार्गावर असलेल्या नाग मंदिर येथे राष्ट्रवादी काँग्रेस पार्टी तर्फे दूध वाटप करण्यात आले.

नागमाता मंदिर येथे दरवर्षी नागपंचमी सण मोठ्या उत्साहाने साजरा केला जातो. या ठिकाणी भाविक मोठ्या संख्येने उपस्थित राहून नागदेवतेची पूजा करतात. भाविकांची गर्दी लक्षात घेता राष्ट्रवादी काँग्रेस पार्टी, अहेरीच्या वतीने याठिकाणी दूध वाटप करण्यात आले.

विशेष म्हणजे कॅबिनेट मंत्री धर्मराव बाबा आत्राम, माजी जि.प. अध्यक्ष भाग्यश्री आत्राम यांच्या मार्गदर्शनात माजी प.स. सदस्य हर्षवर्धन बाबा आत्राम तथा मिताली हर्षवर्धन आत्राम या दाम्पत्यांनी दुपारी १२ वाजेपासून तर सायंकाळपर्यंत उपस्थित राहून दूध वाटप केले.

यावेळी राष्ट्रवादी काँग्रेस पार्टीचे अहेरी तालुका अध्यक्ष श्रीनिवास वीरगोनवार, राष्ट्रवादी युवक काँग्रेसचे अहेरी तालुका अध्यक्ष स्वप्निल श्रीरामवार, कैलास कोरेत, वासुदेव पेद्दीवार, संतोष येमुलवार, बाबुराव तोर्रेम, पितांबर कुळमेथे, राजू पस्पनूरवार, रजाक शेख आदी पदाधिकारी व कार्यकर्त्यांनी परिश्रम घेतले.





  Print






News - Gadchiroli




Related Photos