महत्वाच्या बातम्या

अखिल भारतीय विद्यार्थी विज्ञान मेळावा २०२३ संपन्न

विदर्भ न्यूज एक्सप्रेस

प्रतिनिधी / बल्लारपूर : पंचायत समिती बल्लारपूर अंतर्गत १७ ऑगस्ट रोजी भालेराव पब्लिक स्कूल येथे अखिल भारतीय विज्ञान मेळावा २०२३ संपन्न झाला.

विद्यार्थ्यांमध्ये वैज्ञानिक दृष्टिकोन वृद्धिंगत करून विज्ञानाच्या विचाराचे आदान- प्रधानाची संधी उपलब्ध करून देण्यासाठी तसेच राष्ट्रीय एकात्मतेची भावना वृद्धिंगत करण्यासाठी दरवर्षीप्रमाणे यावर्षीही आखिल भारतीय विद्यार्थी विज्ञान मेळाव्याचे आयोजन करण्यात आले होते.

भालेराव पब्लिक स्कूल बल्लारपूर येथे बोरीकर गटशिक्षणाधिकारी पंचायत समिती बल्लारपूर यांच्या अध्यक्षतेखाली करण्यात आले. प्रमुख अतिथी रवींद्र लामगे शिक्षण विस्ताराधिकारी होते.

या स्पर्धेमध्ये एकूण १८ विद्यार्थ्यांनी सहभाग घेतले होते. भरड धान्य एक उत्कृष्ट पौष्टिक अन्न की आहार भ्रम या विषयावर विद्यार्थ्यांनी अतिशय उत्कृष्ट परिसंवाद साधला.

या स्पर्धेत प्रथम क्रमांक आयडील इंग्लिश मिडीयम स्कूल चा नैतिक गजभिये वर्ग ९ वा व द्वितीय क्रमांक दिलासाग्राम कॉन्व्हेन्ट स्कूल सीबीएसई ची दिक्षा कलवाल वर्ग ८ वा ने प्राप्त केले.

या स्पर्धेचे परीक्षण गुरुनानक महाविद्यालय बल्लारपूर चे प्रा. प्रमोद खिराळे, प्रा. डॉ. के.एन. सहारे व डॉ. निलेश जाधव यांनी केले. संचालन रंजू दुपारे तर आभार प्रदर्शन रूपाली मामीडवार यांनी केले.