ड्रायव्हर, हेल्पर व कामगारांचे शोषण थांबवावे अन्यथा आंदोलन करण्याचा इशारा : आई जिजाऊ हेल्पिंग हँड ऑर्गनायझेशन
विदर्भ न्यूज एक्सप्रेस
प्रतिनिधी / चंद्रपूर : ड्रायव्हर, हेल्पर व कामगारांचे शोषण थांबवावे अन्यथा आंदोलन करण्याचा इशारा घुग्गुस येथील आई जिजाऊ हेल्पिंग हँड ऑर्गनायझेशन च्या माध्यमातून सुरेश पाईकराव यांनी वणी एरिया क्षेत्रीय महाप्रबंधक वेकोली तडाली मार्फत सीएमडी ला निवेदन द्वारे केले आहे.
ओबी कंपनी व कोल ट्रान्स्पोर्ट कंपनी ड्रायवर, हेल्पर व अन्य कामगारांचे शोषण करीत असून कामगारांना मालक वेतन व अन्य सुविधा देण्यास टाळाटाळ करतात. गोरगरीब ड्रायव्हर, हेल्पर व अन्य कामगारांचे ते शोषण करीत आहे.
त्यांना योग्य ते मानधन दिले जात नाही. ओबी कोल ट्रान्सपोर्ट कंपनीवर बरोबर लक्ष देऊन त्यांना न्याय द्यावा अन्यथा त्या विरोधात सीएमडी मुख्य कार्यालय वेकोली नागपूर येथे आंदोलन करण्यात येईल अशा इशारा सुरेश पाईकराव यांनी दिला आहे.
भुमीहीन बेरोजगारांना रोजगार लवकरात लवकर देण्यात यावे. नियमानुसार बोनस मेडिकल व सुट्टी, प्रत्येक महिन्यात GR वेतन, कामगारांना आठ तास काम, सर्व कामगारांना महिन्याला चार सुट्टी, कामगारांना फॅमिली मेडिकल, स्थानिक बेरोजगारांना रोजगार, कामगारांना आय कार्ड, पेमेन्ट स्लिप, पी.एफ. स्लिप देण्याची मागणी केली आहे.
वरिल मागण्या पूर्ण न झाल्यास तीव्र भुमिका घेऊन आंदोलन करण्यात येईल अशा इशारा सुरेश पाईकराव यांनी दिला. या वेळी शरद पाईकराव, जगदीश मारबते, राकेश पारशिवे, अशोक भगत, सुमित फुलकर आदी उपस्थित होते.
News - Chandrapur