माथाडी बोर्डाचा सचिव २ लाख रुपयांची लाच घेताना एसीबीच्या जाळ्यात


विदर्भ न्यूज एक्सप्रेस 
वृत्तसंस्था / ठाणे :   
न्यायालयात सोयीप्रमाणे अहवाल सादर करण्यासाठी किराणा बाजार व दुकाने मंडळ बोर्डाचा सचिव तथा सरकारी कामगार अधिकाऱ्याला २ लाख रुपयांची लाच घेताना अ‍ॅन्टी करप्शनच्या पथकाने रंगेहात पकडले. गुरुवारी अ‍ॅन्टी कप्शनच्या ठाणे परिक्षेत्राच्या पथकाने ही कारवाई केली. मंगेश झोले असे य़ा अधिकाऱ्याचे नाव आहे. किराणा बाजार मंडळाच्या अखत्यारित काम करणाऱ्या एका टोळीच्या सभासद कामगारांच्या नेमणूक आदेशाविरोधात न्यायालयात दावा दाखल करण्यात आला होता. या दाव्यात हवा तसा अहवाल सादर करण्यासाठी मंगेश झोले याने ७ लाख रुपयांची लाच मागितली होती.
तक्रारदाराला लाच द्यायची नसल्याने त्यांनी अ‍ॅन्टी करप्शनकडे याची तक्रार केली. त्यानंतर तडजोडीअंती झोले यांनी ६ लाख निश्चित केले. याची पडताळणी केल्यावर झोले यांनी लाच मागितल्याचे निष्पन्न झाले. त्यानंतर पथकाने गुरुवारी सापळा रचला आणि झोले यांना २ लाख रुपयांची लाच स्विकारताना रंगेहात पकडले.



  Print






News - Rajy | Posted : 2019-05-10






Related Photos