दोन वाहनांची धडक, एकाच कुटुंबातील पाच जण ठार


वृत्तसंस्था / लातूर :  टेम्पो आणि लग्नाहून परतणाऱ्या ॲपे मॅजिकची समोरासमोर धडक होऊन झालेल्या भीषण अपघातात एकाच कुटुंबातील पाच जणांचा दुर्दैवी मृत्यू झाला आहे, तर सहा जण गंभीर जखमी आहेत. 
मृतांमध्ये ज्ञानोबा सोनकांबळे (४०), अरविंद सोनकांबळे (३०), पुष्पा सोनकांबळे (४५), कांताबाई सोनकांबळे (५५), छकुली सोनकांबळे (६) यांचा समावेश आहे तर आरुशी सोनकांबळे, दिनेश सोनकांबळे, बळीराम सोनकांबळे, सुनिता सोनकांबळे, रितेष सोनकांबळे, प्राचीन सोनकांबळे हे या अपघातात गंभीर जखमी झाले आहेत.
लातूर जिल्ह्यातील शिरुर ताजबंद ते मुखेड राज्य महामार्गावरील चेरापाटीनजीक रविवारी रात्री ९ वाजण्याच्या सुमारास ही घटना घडली. सुदैवाने या अपघातातून एक वर्षाची प्राची अरविंद सोनकांबळे ही चिमुकली मॅजिकमधून बाहेर फेकली गेल्याने बचावली आहे.
धामणगाव येथील सोनकांबळे परिवार विळेगाव ता. अहमदपूर येथून लग्न आटोपून गावाकडे येत असताना जांबकडून शिरुर ताजबंदकडे जाणाऱ्या टेम्पोची समोरासमोर धडक होऊन हा अपघात घडला. हा अपघात एवढा भीषण होता की, यामध्ये जीपमधील पाच वऱ्हाड्यांचा जागीच मृत्यू झाला तर सहा जण गंभीर जखमी झाले. जखमींना जळकोटच्या ग्रामीण रुग्णालयात रात्री उपचार करून उदगीर येथे पुढील उपचारासाठी हलविण्यात आले आहे.

 



  Print






News - Rajy | Posted : 2019-05-06






Related Photos