महत्वाच्या बातम्या

जिल्हा परिषदेच्या सेसफंडातील योजनांचा लाभ घेण्याचे आवाहन

विदर्भ न्यूज एक्सप्रेस

प्रतिनिधी / वर्धा : जिल्हा परिषदेच्या समाज कल्याण विभागामार्फत २० टक्के सेसफंड अंतर्गत अनुसूचित जाती, अनुसूचित जमाती, विमुक्त भटक्या जमाती प्रवर्गातील लाभार्थ्यांसाठी विविध वैयक्तिक लाभाच्या योजना राबविण्यात येतात. या योजनांचा लाभ घेण्याचे आवाहन जिल्हा समाज कल्याण विभागाच्यावतीने करण्यात आले आहे.

इयत्ता ५ वी ते ९ वीत शिकणाऱ्या मागासवर्गीय विद्यार्थ्यांना सायकल पुरविणे, मागासवर्गीय शेतकऱ्यांना विद्युतपंप, स्प्रिंकलर सेट व काटेरी तार पुरविणे आदी वैयक्तिक स्वरुपाच्या सर्व योजना १०० टक्के अनुदान तत्वावर राबविण्यात येत आहे. या योजनेचा लाभ घेण्यासाठी इच्छुक पात्र लाभार्थ्यांनी संबंधित पंचायत समिती कार्यालयात आवश्यक कागदपत्रासह ३१ ऑगस्ट पर्यंत अर्ज सादर करावे, असे आवाहन अतिरिक्त मुख्य कार्यकारी अधिकारी सुरज गोहाड व जिल्हा समाज कल्याण अधिकारी प्राजक्ता इंगळे यांनी केले आहे.