शहीद प्रमोद भोयर यांना अखेरचा निरोप , एकाच कुटुंबातील काका - पुतण्याचे देशासाठी बलिदान


- कुटुंबातील सदस्यांचा आधारस्तंभ हरपला 
विदर्भ न्यूज एक्सप्रेस 
तालुका प्रतिनिधी / देसाईगंज : 
प्रमोद भोयर अमर रहे..अमर रहे.. अमर रहे..च्या घोषणा देत गडचिरोलीमधील नक्षलवादी हल्ल्यात शहीद प्रमोद महादेवराव भोयर यांच्या पार्थिवावर वडसा येथे शासकीय इतमामात हिंदू धर्माच्या विधीप्रमाणे अंत्यसंस्कार करण्यात आले. प्रमोद .. प्रमोद म्हणत त्यांच्या कुटुंबियानी  प्रचंड आक्रोश केला. प्रमोद यांची पत्नी , मुलगा व आई यांची अवस्था पाहून उपस्थित नागरिकांच्या डोळ्याच्या कडा आपोआप ओल्या झाल्या.
वयाच्या २५ व्या वर्षी २०११ ला शहीद प्रमोद भोयर यांना पोलीस विभागात नोकरी मिळाली. भोयर कुटुंबातील हे दुसरे बलिदान असून पाहिले बलिदान शहीद प्रमोद भोयर यांचे काका प्रदीप भोयर हे सुद्धा १९९४ च्या नक्षली हमल्यात शहीद झाले होते.   त्यानंतर  त्यांच्या वडिलांचे निधन झाले व कुटुंबाची जबाबदारी ही मोठ्या भावाच्या खांद्यावर येता न येता तोच हृदयविकाराच्या झटक्याने मोठ्या भावाचे सुद्धा निधन  झाले  अशातच कुटुंबाची परस्थिती ही नाजूक होऊन सर्वस्वी जबाबदारी ही शहीद प्रमोद भोयर यांना सांभाळावी लागली.  मागील वर्षी त्यांचे लग्न झाले असता त्यांना दोन जुळे मुलं झाले.  त्यापैकी एक मूल जन्मतः मुतावस्थेत होते तर दुसरे मुल हे अशक्त असल्याचे लक्षात आले.   इतके दुर्दैवी अंत असताना सुद्धा देवाने भोयर कुटुंबाचा कर्ताच हरपला.
शहीद प्रमोद भोयर यांच्या अंत्ययात्रेला सायंकाळी ६  वाजता त्यांच्या राहत्या घरापासून सुरुवात झाली. यावेळी वडसा शहरासह जिल्हा भरातून लोक सहभागी झाले होते. नक्षलवाद मुर्दाबाद..मुर्दाबादच्या घोषणा देत शहीद प्रमोदच्या बलिदानाचा बदला घ्या, नक्षलवाद समूळ नष्ट करा, अशी मागणी करण्यात आली. अंत्ययात्रेत सर्व धर्मीय महिला-पुरुष सहभागी झाले होते.
अमर रहे..प्रमोद भोयर अमर रहे..च्या घोषणा देत साश्रुनयनांनी हिंदू विधीप्रमाणे वीरपुत्राला अखेरचा निरोप देण्यात आला. प्रमोद यांच्या जाण्याने वडसा शहरावर दुःखाचा डोंगर कोसळला आहे. वडसा शहर व बाजारपेठ बंद ठेवून दुखवटा पाळण्यात आला. शहरातील व शेजारी सर्वजण प्रमोद यांच्या आठवणीने गहिवरले होते. उपस्थित नागरिकांनी शहीद प्रमोद यांच्या कुटुंबीयांचे सात्वंन करण्यात आले.
प्रमोद यांच्या शिवाजी वार्ड भागातील घरापासून सकाळी अंत्ययात्रा निघून बालाजी चेंबर , ब्रम्हपुरी मार्गे वैनगंगा नदी घाटावरील स्मशानभूमीत अखेरचा निरोप देण्यात आले.
यावेळी स्थनिक नेते आरमोरी विधानसभा क्षेत्राचे आमदार  कृष्णाजी गजबे , ब्रम्हपुरी-चिमूर विधानसभा क्षेत्राचे आमदार  विजय वडेट्टीवार , सी.आर.पी.एफ. १९१ बटालियन चे चीफ इन कमांडन्ट प्रभाकर त्रिपाठी , डेप्युटी कमांडन्ट पवार , डेप्युटी कमांडन्ट चांचाल , इन्स्पेक्टर राकेश सक्सेना ,  देसाईगंज नगर परिषदेच्या नगराध्यक्षा शालूताई दंडवते , मोती कुकरेजा , नगरसेवक गणेश फाफट , नगरसेवक सचिन खरकाटे , ऍड.संजय गुरू , नरेश विठलानी , जितू परसवाणी , महेंद्र चचाने , विलास ढोरे , देसाईगंज शहरातील नागरिक तथा युवा मित्र इरफान सय्यद , चिराग भागडकर हमजद कुरेशी , उमेश सूर्यवंशी,  पंकज नागदेवे, रवी नागदेवे, वसंत जोशी , अनंता ठाकरे , गोपी नागदेवे , जुबेर कुरेशी , दानिश सय्यद या सर्वांनी यावेळेस उपस्थिती दर्शविली तसेच देसाईगंज पोलीस विभागाने उत्तम कामगिरी बजावत अंत्ययात्रेच्या शेवट पर्यंत मोलाची भूमिका निभावली.



  Print






News - Gadchiroli | Posted : 2019-05-03






Related Photos