पांढरकवडा वनपरिक्षेत्रात वाघाच्या हल्ल्यात शेतमजूर जखमी


विदर्भ न्यूज एक्सप्रेस 
तालुका प्रतिनिधी / मारेगाव : 
वाघाच्या हल्ल्यात शेतमजूर गंभीर जखमी झाल्याची घटना पांढरकवडा शहरालगत मांगुर्डा मार्गावर असलेल्या मुच्छी तलावाजवळ गुरुवारी दुपारी २ वाजताच्या सुमारास घडली. 
 राजु कर्णजी टेकाम (३८) असे जखमीचे नाव आहे . तो गुरुवारी दुपारी शेतशिवारात काम करित असताना मुच्छी तलावजवळ वाघाने अचानक त्याच्यावर हल्ला केला. त्यात तो गंभीर जखमी झाला. घटनेनंतर राजु टेकाम याला तातडीने पांढरकवडा येथे उपजिल्हा रुग्णालयात उपचारासाठी दाखल करण्यात आले.  मात्र प्रकृती गंभीर असल्याने त्याला यवतमाळ जिल्हा सामान्य रूग्णालयात दाखल करण्यात आले. या घटनेने  या परिसरात दहशत पसरली आहे.

 



  Print






News - Rajy | Posted : 2019-05-03






Related Photos