महत्वाच्या बातम्या

 अंगणवाडी मदतनीस पदभरतीच्या गुणदान यादीवर आक्षेप असल्यास नोंदवावे


विदर्भ न्यूज एक्सप्रेस 

प्रतिनिधी / वर्धा : बाल विकास प्रकल्प अधिकारी (नागरी) भागातील अंगणवाडी मदतनीसाची रिक्त असलेली पदे भरण्यासाठी अर्ज मागविण्यात आले होते. प्राप्त झालेल्या अर्जाची छानणी करुन गुणानुक्रमे गुणदान यादी तयार करण्यात आली. या यादीवर आक्षेप असल्यास नोंदविण्याचे आवाहन करण्यात आले आहे.

बाल विकास प्रकल्प अधिकारी नागरी या कार्यालयाच्यावतीने हिंगणघाट, पुलगाव, देवळी, कारंजा, आष्टी, सेलू व समुद्रपूर तालुक्यातील रिक्त असलेली अंगणवाडी मदतनिस पदे भरण्यासाठी अर्ज मागविण्यात आले होते. प्राप्त अर्जांची विभागीय समितीद्वारे छाणणी करुन गुणानुक्रमे गुणदान तक्ता बाल विकास प्रकल्प अधिकारी (नागरी) कार्यालय, वर्धा तसेच संबंधित तालुका निहाय नगर पालिका, नगरपरिषद व नगर पंचायत येथे प्रसिध्दीस लावण्यात आला आहे.

गुणदान यादी पाहून या यादीवर आपले काही म्हणणे किंवा आक्षेप असल्यास १६ ऑगस्ट  पर्यंत लेखी स्वरुपात सादर करावे. उशिरा प्राप्त होणाऱ्या आक्षेपाची नोंद घेण्यात येणार नाही. तसेच कोणत्याही आमिषाला व भूलथापाला बळी पडू नये, असे नागरी प्रकल्पाचे बाल विकास प्रकल्प अधिकारी कि.प्र. कटरे यांनी कळविले आहे.





  Print






News - Wardha




Related Photos