महत्वाच्या बातम्या

 शहीद वीरांच्या सन्मानार्थ मुरखळा (माल) येथील जि.प. उच्च प्राथमिक शाळेच्या प्रांगणात मेरी माटी मेरा देश कार्यक्रमाचे आयोजन


विदर्भ न्यूज एक्सप्रेस 

प्रतिनिधी / गडचिरोली : स्वातंत्र्य दिनाच्या आधी देशाच्या वीरांना सन्मान देण्यासाठी मेरी माटी मेरा देश या अभियाना अंतर्गत मुरखळा (माल)येथील ग्रामपंचायतीमध्ये देशासाठी बलिदान दिलेल्या शहिदांच्या आठवणी प्रित्यर्थ विशेष शिलालेख स्थापित करण्यात आले असुन, त्यानिमित्त याच अभियानांतर्गत जि.प.उच्च प्राथमिक शाळा मुरखळा (माल)च्या प्रांगणात देशांसाठी बलिदान दिलेल्या शहिद वीरांना नमन करण्यात आले. तसेच याप्रसंगी हातात दिवे घेऊन उपस्थित सर्व विद्यार्थी, गावांतील प्रतिष्ठित नागरिक यांच्या कडून पंचप्रण (शपथ) घेण्यात आली. या कार्यक्रमाचे औचित्य साधून शाळेच्या आवारात व दर्शनी भागात विविध प्रकारच्या ७५ वृक्षांचे वृक्षारोपण कार्यक्रमाला उपस्थित मान्यवर व विद्यार्थी यांचे हस्ते करण्यात आले.       

आजच्या मेरी माटी मेरा देश अभियान कार्यक्रमाचे अध्यक्षस्थान भास्कर बुरे सरपंच ग्रामपंचायत मुरखळा (माल) यांनी भुषविले. प्रमुख अतिथी म्हणून शाळा व्यवस्थापन समितीचे अध्यक्ष धनराज बुरे, ग्रा.पं.सदस्या कल्पना कन्नाके, ग्रामविस्तार अधिकारी यादव मुळे, जि.प.उच्च प्राथमिक शाळा मुरखळा (माल)चे प्रभारी मुख्याध्यापक रघुनाथ भांडेकर, सहायक शिक्षक अशोक जुवारे, चंद्रकांत वेटे, कमलाकर कोन्डावार, जगदीश कळाम, राजकुमार कुळसंगे, विजय कन्नाके, लहानु भोयर, यादव बुरे, शामराव निशाणे, सचिन तुंबडे, राकेश नैताम, माणिक घोगरे आदी मान्यवर उपस्थित होते. तसेच या कार्यक्रमाला शाळेतील विद्यार्थी मोठ्या संख्येने उपस्थित होते. अध्यक्षीय भाषणातून ग्रा.पं.चे सरपंच भास्कर बुरे यांनी मेरी माटी मेरा देश या अभियाना अंतर्गत ९ आॉगष्ट ते १४ आॉगष्ट पर्यंत घ्यावयाच्या कार्यक्रमाची व या अभियानाच्या उद्देशाची सविस्तर माहिती उपस्थितांना दिली. 

आजच्या मेरी माटी मेरा देश या कार्यक्रमाचे सूत्रसंचालन ग्रामविस्तार अधिकारी यादव मुळे यांनी केले तर आभारप्रदर्शन अशोक जुवारे यांनी केले.

शेवटी शाळेतील उपस्थित सर्व विद्यार्थी यांना गोड खाऊचे वाटप करुन कार्यक्रमाची सांगता करण्यात आली‌.





  Print






News - Gadchiroli




Related Photos