पंचायत समिती कोरची येथे सर्वोत्कृष्ट घरकुल लाभार्थ्यांचा व सर्वोत्कृष्ट ग्रामपंचायतचा सन्मान
विदर्भ न्यूज एक्सप्रेस
तालुका प्रतिनिधी / कोरची : पंचायत समितो कोरचीच्या वतीने अमृत महा आवास अभियान ग्रामीण २०२२-२३ मध्ये सर्वोत्कृष्ट घरकुल बांधकाम करून घरकुल पुर्ण करणाऱ्या लाभार्थ्याचा तसेच उत्कृष्ट कार्यकरणाऱ्या ग्रामपंचायतीचा सन्मान मंगळवार ०८ ऑगस्ट २०२३ रोजी करण्यात आला.
भारतीय स्वातंत्र्याच्या अमृत महोत्सवानिमीत्य अमृत महाआवास अभियान २० नोव्हेंबर २०२२ ते ५ जून २०२३ या कालावधीत राबविण्यात आले होते. याप्रसंगी अभियान कालावधीत प्रधानमंत्री आवास योजना ग्रामीण योजनेअंतर्गत सर्वोत्कृष्ट घरकुल बांधकाम करणारे लाभार्थी म्हणून ग्रामपंचायत सातपुती येथिल भुमेश्वर विठ्ठल शेंडे यांना प्रथम, ग्रामपंचायत बेतकाठी चे लाभार्थी झिटुराम दसरु काटेंगे यांना द्वितीय तर ग्रामपंचायत कोसमी न ०२ येथील बलवान मोहन डोंगरे यांना तृतीय पुरस्कार देण्यात आले. राज्यपुरस्कृत आवास योजनेअंतर्गत सर्वोत्कृष्ट घरकुल बांधकाम करणारे लाभार्थी म्हणुन ग्रामपंचायत सातपुती येथिल शंकर तिजुराम जनबंधू यांना प्रथम, ग्रामपंचायत कोटगुल चे लाभार्थी भागवत नंदलाल कोल्हे यांना द्वितीय तर ग्रामपंचायत बोगाटोला येथील सखाराम टोबेल काटेंगे यांना तृतीय पुरस्कार देण्यात आले.
प्रधानमंत्री आवास योजनेतील सर्वोत्कृष्ट ग्रामपंचायत म्हणून ग्रामपंचायत कोहका ने प्रथम, ग्रामपंचायत कोचीनारा द्वितीय तर ग्रामपंचायत बेलगावघाट ने तृतीय पुरस्कार पटकावला. तसेच राज्यपुरस्कृत आवास योजनेअंतर्गत ग्रामपंचायत नांदळी ने प्रथम, ग्रामपंचायत मसेली द्वितीय तर ग्रामपंचायत जांभळी ने तृतीय क्रमांकाचे पुरस्कार पटकावले तसेच सर्वोत्कृष्ट क्लस्टर म्हणून श्री आर के मुलकलवार, स्थापत्य अभियांत्रीकी सहायक यांना व सर्वोत्कृष्ट क्लस्टर म्हणून श्री किशोर व्ही मारगाये, डाटा एन्ट्री ऑपरेटर यांना पुरस्कार देण्यात आले.
पंचायत समिती चे गट विकास अधिकारी राजेश फाये शाखा अभियंता ए.डी. मोयर, विस्तार अधिकारी राहुल कोपुलवार यांच्या हस्ते सन्मानचिन्ह व प्रशस्तीपत्र देऊन घरकुल लाभार्थ्यांचा, ग्रामपंचायतीचा व उत्कृष्ट क्लस्टर चा सन्मान करण्यात आला. कार्यक्रमाला स्था, अ सहायक आर.के. मुलकलवार, डॉटा एंट्री ऑपरेटर किशोर मारगाये तसेच पंचायत समितीचे कर्मचारी, ग्रामसेवक, सरपंच यांचे सह घरकुल लाभार्थी उपस्थित होते. याप्रसंगी गट विकास अधिकारी यांनी पुरस्कार प्राप्त लाभार्थ्यांचे अभिनंदन करून तालुक्यातील इतर घरकुल लाभार्थ्यांनी आपले घरकुल बांधकाम लवकरात लवकर पूर्ण करावे असे आवाहन केले.
News - Gadchiroli