आज शहीद जवानांना पोलीस मुख्यालयात मानवंदना , मुख्यमंत्री देवेंद्र फडणवीस उपस्थित राहणार


विदर्भ न्यूज एक्सप्रेस 
प्रतिनिधी / गडचिरोली :
कुरखेडा तालुक्यातील जांभुळखेडा येथे झालेल्या नक्षलवादी हल्ल्यात शहीद झालेल्या जवानांना आज गुरुवारी दुपारी गडचिरोली पोलीस मुख्यालयात मानवंदना दिला जाणार आहे. मुख्यमंत्री देवेंद्र फडणवीस, अर्थमंत्री सुधीनर मुनगंटीवार, पोलीस महासंचालक सुबोधकुमार जयस्वाल, केंद्रीय गृहराज्यमंत्री हंसराज अहीर यांच्या उपस्थितीमध्ये शहिदांना मानवंदना दिली जाणार आहे.
महाराष्ट्र दिनाच्या दिवशी दुपारच्या सुमारास गडचिरोलीमध्ये नक्षलावाद्यांनी घडवून आणलेल्या भू-सुरुंग स्फोटात १५ जवान शहीद झाले. तसेच या हल्ल्यात वाहन चालकाचाही मृत्यू झाला. नक्षलवाद्यांनी सुरक्षा दलाच्या गाडीला निशाणा करून स्फोट घडवून आणला. या हल्ल्याचा सर्व स्तरातून निषेध केला जात आहे.  मुख्यमंत्री देवेंद्र फडणवीस यांनी या हल्ल्याबद्दल शोक व्यक्त केला. ‘गडचिरोली येथे झालेला हल्ला हा संतापजनक आहे. हा भ्याड हल्ला आहे’, असं मुख्यमंत्री फडणवीस म्हणाले. शहिदांच्या कुटुंबीयांच्या दुःखात आम्ही सहभागी आहोत, असेही मुख्यमंत्री म्हणाले. 

शहिद जवानांची नावे 

पोलिस शिपाई साहुदास बाजीराव मडावी रा. चिखली ता. कुरखेडा,

प्रमोद महादेवराव भोयर देसाईंगज, 

राजु नारायण गायकवाड मेहकर जि. बुलढाणा,

किशोर यशवंत बोबाटे रा. चुरमुरा ता. आरमोरी जि. गडचिरोली,

संतोष देविदास चव्हाण ब्राम्हणवाडा ता. औंध जि. हिंगोली,

सर्जेराव एकनाथ खरडे आळंद ता. देउळगाव राजा जि. बुलडाणा,

दयानंद ताम्रध्वज शहारे रा. दिघोरी मोठी ता. लाखांदूर जि. भंडारा ,

भुपेश पांडुरंग वालोदे लाखनी जि. भंडारा,

आरिफ तौशिब शेख रा. पाटोदा जि. बिड,

योगाजी सिताराम हलामी रा. मोहगाव ता. कुरखेडा ,

पुरणशहा प्रतापशहा दुगा भाकरोंडी ता. आरमोरी जि. गडचिरोली,

लक्ष्मण केशव कोडापे रा. येंगलखेडा ता. कुरखेडा ,

अमृत प्रभुदास भदाडे रा. चिंचघाट ता. कुही जि. नागपूर,

अग्रमान बक्षी रहाटे रा. तरोडा ता. आर्णी जि. यवतमाळ

नितीन तिलकचंद घोडमारे रा. कुंभाली ता. साकोली जि. भंडारा

वाहन चालक : दादुभाऊ सिंगनाथ रा. कुरखेडा  



  Print






News - Gadchiroli | Posted : 2019-05-02






Related Photos