पोलीस अधीक्षक कार्यालयात महाराष्ट्र दिनी पोलीस महासंचालक पदक प्राप्त पोलिसांचा सन्मान


विदर्भ न्यूज एक्सप्रेस 
प्रतिनिधी / गडचिरोली : 
आज १ मे रोजी महाराष्ट्र दिनाचे औचित्य साधून पोलीस अधिक्षक  कार्यालयात  पोलीस अधिक्षक शैलेश बलकवडे    यांच्या हस्ते सकाळी  ७  वा. ध्वजारोहण करण्यात आले. यानंतर गडचिरोली जिल्हयातील १०२ पोलीस अधिकारी, कर्मचाऱ्यांचा सन्मान करण्यात आला. 
१०२ पोलीस अधिकारी, कर्मचाऱ्यांना  उल्लेखनिय व प्रशंसनिय कामगिरीसाठी नुकतेच  पोलीस महासंचालक यांचे पदक जाहीर करण्यात आले होते. या सर्व प्रदकप्राप्त पोलीस अधिकारी व कर्मचाऱ्यांना   पोलीस अधिक्षक शैलेश बलकवडे  यांच्या हस्ते पोलीस महासंचालक पदक, प्रमाणपत्र व पुष्पगुच्छ देवुन सन्मानित करण्यात आले. दिवगंत सहायक पोलीस निरीक्षक योगेश गुजर यांना देखील त्यांच्या उत्कृष्ट कामगिरीकरिता   पोलीस महासंचालकांचे पदक जाहीर झाले होते. यावेळी त्यांचे पदक त्यांच्या कुटुंबीयांनी  स्विकारले. त्याचबरोबर सत्र क्र. ११३ बॅचच्या अधिकाऱ्यांनी  यावेळी जमा केलेला २३ लाख ७३ हजार रुपयांचा मदतनिधी पोलीस अधीक्षक शैलेश बलकवडे  यांच्या हस्ते योगेश गुजर यांच्या कुटूंबीयांकडे सुपूर्द करण्यात आला. यावेळी मोठया संख्येने पोलीस अधिकारी व कर्मचारी उपस्थित होते. 

 



  Print






News - Gadchiroli | Posted : 2019-05-01






Related Photos