महत्वाच्या बातम्या

 सुरजागड लोहखनिज खाणीतील घटना : अभियंत्यासह तिघांचा मृत्यू


विदर्भ न्यूज एक्सप्रेस 

प्रतिनिधी / गडचिरोली : गडचिरोली जिल्ह्यातील सुरजागड लोह प्रकल्पाच्या खाणीत ६ ऑगस्ट २०२३ ला मोठी दुर्घटना घडली. सदर दुर्घटनेत तिघांचा मृत्यू झाला. सदर घटना वर्कशॉपपासून सुमारे ६०० मीटर अंतरावर रविवारी सायंकाळी ५.४५ वाजताच्या सुमारास घडली असून एक बोलेरो कॅम्पर क्रमांक MH३३T३०५४, एक व्होल्वो दरवाजा क्रमांक १४०, ज्यामध्ये सुमारे ३० टी लोहखनिज भरलेला असून तो वरच्या बाजूने खाली उतरत होता. त्यामध्ये ऑपरेटरचे नियंत्रण सुटले व वाहन थांबविण्याचा प्रयत्न करत ऑपरेटरने बँडचा आधार घेण्याचा प्रयत्न केला. परंतु दुर्दैवाने, डाव्या बाजूच्या पुढचे चाक फिरले व तोल गमावला आणि कॅम्पवर कोसळला. 

माहितीनुसार वॉकी टॉकीवरून काही अंतरावर काम करणाऱ्या कर्मचाऱ्याने सदर घटनेची माहिती दिली असता  बचाव पथक घटनास्थळी दाखल झाले. व कर्मचाऱ्यांना बाहेर काढून त्यांना रुग्णालयात पाठविण्यात आले. तीन क्रू मेंबर्सचा अहेरी हॉस्पिटलमध्ये मृत्यू झाला. बाकी सदस्य मेम्बर्स वैद्यकीय देखरेखीखाली आहेत.

सदर दुर्घटनेमध्ये ओम प्रकाश (उप अभियंता-मेक) रा. झारखंड, ओडिशातील रहिवासी नृसिंह राणा (सहाय्यक अभियंता- इलेक्ट्रिकल) आणि आलापल्ली येथील रहिवासी सोनल खुशबराव रामगिरवार (सहाय्यक अभियंता- मेक) या तिघांचा दुर्दैवी मृत्यू झाला. या दुर्घटनेट कन्नीलाल बगर तिग्गा रा. हेद्री आणि परमेश्वर बेरा, नाबो कुमार बेरा, रहिवासी झारखंड हे वैद्यकीय सेवा घेत असलेले सदस्य वाचलेले आहेत. यादरम्यान बी प्रभाकरन, संचालक यांनी वैयक्तिकरित्या मृतांच्या कुटुंबियांची भेट घेतली. 

सदर दुर्घटनेमुळे कर्मचार्‍यांच्या जीवितहानीमुळे व्यवस्थापनाला दु:ख झाले आहे, या दुःखाच्या क्षणी मृतांच्या कुटुंबीयांच्या पाठीशी खंबीरपणे उभे आहे, असे आश्वासन लॉयड्सचे व्यवस्थापन जिल्हा प्रशासन यांनी दिले आहे.





  Print






News - Gadchiroli




Related Photos