महत्वाच्या बातम्या

पोलीस स्टेशन कुही हद्दीत जुगार अड्यावर कुही पोलीसांची धडक कारवाई

- एकुण ३० लाख ७६ हजार २०० रुपयांचा मुद्देमाल केला जप्त

विदर्भ न्युज एक्सप्रेस

प्रतिनिधी / नागपूर : पोस्टे. कुही हद्दीतील मौजा सालई गोधनी शिवारात जुगार सुरू असल्याबाबत गुप्त बातमीदारांकडून मिळालेल्या खात्रीशिर माहीती वरुन ०५ ऑगस्ट २०२३ रोजी पोलीस स्टेशन कुही येथील पोलीसांच्या पथकाने सदर जुगार अड्डयाची योजनाबध्द पद्धतीने आखणी करूण सदर जुगार अड्ड्यावर धाड टाकुण सदर जुगार अड्डयावर ३३ जुगार खेळणारे आरोपीतांची पंचासमक्ष अंगझडती घेतली असता त्यांच्या अंगझडतीमधुन २ लाख १३ हजार रु. नगदी तसेच डावावर लावलेले ६८ हजार रू. नगदी असे एकुण २ लाख ८१ हजार रु. नगदी तसेच घटनास्थळावर जुगार क्लब प्रमाणे सुविधा पुरवीण्याकरीता गॅस सिलेंडर, खुर्ची, गंज, मिक्सर, बॅटरी लाईट या प्रकारचे सामान तसेच दोन चारचाकी वाहन व १४ दुचाकी वाहने तसेच आरोपीतांकडील मोबाईल फोन असा एकुण ३० लाख ७६ हजार २०० रूपयाचा मुद्देमाल पंचासमक्ष जप्त करण्यात आला.

सदर घटनास्थळाची पाहणी केली असता यातील आरोपी पैकी आरोपी क्र. १) सोहन मेश्राम (३५) रा. विठ्ठलवाडी हुडकेश्वर रोड नागपुर हा जुगार खेळणाऱ्या लोकांना जागा उपलब्ध करूण देतो व जुगार खेळणाऱ्या लोकांच्या जेवणापासुन सर्व सुवीधा जागेवर पुरवीत असल्याचे घटनास्थळाच्या पाहणी वरूण दिसुन येत होते. पोलीसांना आपल्या जुगार खेळण्याचा जागेचा पता लागु नये तसेच पोलीस कार्यवाही करण्याकरीता येत असल्यास आधिच सुचना देण्याकरीता आरोपींनी घटनास्थळाकडे जाणाऱ्या सर्व मार्गावर पहरेदार (वॉचर ) ठेवले असतांना सुध्दा पोलीसांनी मोठ्या शिताफीने पहरेदाराच्या नजरेत न येता चार शेत पायदळ चालून सदरची कामगिरी केली.

सदरची कार्यवाही ही पोलीस अधिक्षक विशाल आनंद (भा.पो.से.) तसेच अपर पोलीस अधिक्षक डॉ. संदिप पखाले यांच्या मार्गदर्शनाखाली प्रभारी ठाणेदार IPS अनिल म्हस्के, पोलीस स्टेशन कुही परि. पोलीस उपअधिक्षक तथा प्रभारी ठाणेदार भिवापुर राहुल झलाटे, पोलीस उपनिरीक्षक देवीदास ठमके, पोलीस नायक हरीदास चाचरकर, रोशन नारनवरे, ग्यानीवंत गुरपुडे, पोलीस शिपाई दुर्गेश डहाके, अनिल करडखेले, आशिष खंडाईत, उमेश ठवकर, रविद्र मारबदे, पंकज सावरे, तुषार भोयर, पियुष वाढीवे यांनी यशस्वीपणे पूर्ण केलेली आहे.