जहाल नक्षली दाम्पत्याचे गडचिरोली पोलिसांसमोर आत्मसमर्पण, १८ लाख ५० हजारांचे होते बक्षीस


विदर्भ न्यूज एक्सप्रेस 
प्रतिनिधी / गडचिरोली :
वर्षभरात विविध चकमकीत नक्षल्यांचा झालेला खात्मा तसेच हिंसाचाराच्या जीवनाला कंटाळून वरिष्ठ माओवाद्यांसह अनेक जहाल माओवादी  आत्मसमर्पण करीत आहेत.  त्याच बरोबर आत्मसमर्पीत नक्षल्यांचे पोलीस दलाने पुनर्वसन घडवून आणल्यामुळे माओवादी मोठया संख्येने आत्मसमर्पीत करीत आहे.  मोठ्या नक्षल कारवायांमध्ये सहभागी असलेल्या व १८ लाख ५० हजार रूपये बक्षीस असलेल्या २ जहाल नक्षल्यांनी पोलीस अधीक्षक  शैलेश बलकवडे  यांच्या समोर आत्मसमर्पण केले आहे. दिपक उर्फ मंगरू सुकलु बोगामी (३०) आणि  मोती उर्फ झुरू मज्जी  (२८) अशी आत्मसमर्पित नक्षल्यांची नावे आहेत.  हे दोघेही पती - पत्नी आहेत. 
दिपक उर्फ मंगरू सुकलु बोगामी  हा  जुन २००१ मध्ये जागरगुंडा दलम मध्ये डी.व्ही.सी पदावर कार्यरत होता. त्याच्यावर १७ चकमकीचे , १२ खुनाचे, ३ भुसुरूंग स्फोट घडवून आणल्या संबंधाने गुन्हे दाखल असून महाराष्ट्र शासनाने त्याचेवर एकुण ९ लाख २५ हजार रूपयाचे बक्षीस जाहीर केले होते.
 मोती उर्फ झुरू मज्जी ही   मार्च २००४ मध्ये भामरागड दलम मध्ये सदस्या म्हणून भरती होवून  डिसेंबर २००७ मध्ये उत्तर बस्तर कंपनी क्रमांक १० मध्ये डी.व्ही.सी या पदावर कार्यरत होती.  तिच्यावर १५  चकमकीचे व २ खुनाचे गुन्हे दाखल आहेत. तिच्यावर महाराष्ट्र शासनाने ९  लाख २५ हजार रूपयाचे बक्षीस जाहीर केले होते.
आत्मसमर्पीत माओवादी हे पती - पत्नी असुन दलम मध्ये काम करतांना महिलांवर होत असलेले अत्याचार तसेच दलम मधील माओवादी हे अल्पवयीन आदिवासी मुलींना पळवून नेवून बळजबरीने त्यांना दलममध्ये भरती करत होते,  असे कबुल करत आदिवासींवर होणारे अनन्वयीत अत्याचार व माओवादी नेहमीच स्वतःच्या फायद्यासाठी जाणून - बुजुन दुर्गम व अति दुर्गम भागाचाच्या  विकासा कामात आडकाठी निर्माण करतात. या सर्व बाबींना कंटाळुन नक्षल्यांच्या तावडीतून स्वतःची सुटका करून घेत त्यांनी आत्मसमर्पण केले. 
आपल्याला विकासाच्या मुळ प्रंवाहात परत जावून सामान्य पती - पत्नी सारखे जीवन जगता येईल की नाही? याबाबात आमच्या मनामध्ये साशंकता होती. परंतू पोलीस दलाने निर्माण केलेल्या विश्वासामुळे व महाराष्ट्र शासनाच्या आत्मसमर्पित योजनेमुळे आम्ही आज पोलीसांपुढे आत्मसमर्पण करत असल्याचे या आत्मसमर्पितांनी स्पष्ट केले आहे.
यावेळी त्यांनी दलममधील इतर नक्षल्यांनी देखील हिंसाचाराचा मार्ग सोडून  आत्मसमर्पण योजनेचा फायदा घेत विकासाच्या मुळ प्रवाहात यावे असे आवाहन केले.  विकास कामांना आडकाठी आणणाऱ्या नक्षल्यांवर पोलीस दल सक्षममणे कारवाई करण्यास तत्पर असुन जे माओवादी विकासाच्या प्रवाहात सामील होणयास इच्छुक असतील त्यांना विकासाच्या मुख्य प्रवाहात आणण्यासाठी तसेच लोकशाहीतील सन्मानाचे जीवन जगण्यासाठी गडचिरोली पोलीस दल सर्वतोपरी मदत करेल असे आवाहन  पोलीस अधिक्षक  शैलेश बलकवडे  यांनी केले आहे.



  Print






News - Gadchiroli | Posted : 2019-04-25






Related Photos