महत्वाच्या बातम्या

 देवळी येथे महसूल सप्ताहानिमित्त कर्मचाऱ्यांचा गौरव, युवा संवाद


विदर्भ न्यूज एक्सप्रेस 
प्रतिनिधी / वर्धा : महसूल दिन व महसूल सप्ताहानिमित्त तहसिल कार्यालय देवळीच्यावतीने विविध कार्यक्रमांचे आयोजन करण्यात आले आहे. सप्ताहाचा शुभारंभ वृक्षारोपण व उत्कृष्ट काम करणाऱ्या अधिकारी, कर्मचाऱ्यांचा गौरव करून करण्यात आला.

कार्यक्रमाला देवळीचे उपविभागीय अधिकारी गणेश खताळे, तहसिलदार सचिन यादव, पुलगावचे अप्पर तहसिलदार दत्तात्रय जाधव, नायब तहसिलदार शकुंतला पाराजे, अजय झिले, के.पी.शेंडे तसेच मंडळ अधिकारी, तलाठी व कार्यालयातील कर्मचारी वृंद मोठ्या संख्येने उपस्थित होते.
सप्ताहाच्या पहिल्या दिवशी महसूल दिनानिमित्त तालुक्यातील मंडळ अधिकारी कार्यालय, तलाठी साझा तसेच तहसिल कार्यालयाच्या प्रांगणात वृक्ष लागवड करण्यात आली. नैसर्गिक आपत्ती, निवडणूक तसेच इतर शाखेमध्ये उत्कृष्ट कार्य करण्यारे अधिकारी, कर्मचारी यांचा गौरव करण्यात आला. तसेच १५५ च्या खातेदारांना आदेशाचे वाटप करण्यात आले.

दुसऱ्या दिवशी जनता महाविद्यालय, देवळी व सुवालाल पाटणी महाविद्याल, पुलगाव येथे युवा संवाद आयोजित करण्यात आला. या कार्यक्रमास उपविभागीय अधिकारी, तहसिलदार यांच्यासह महसूल सहाय्यक मनोज वंजारी, जनता महाविद्यालयाचे प्राचार्य धर्मेश झाडे, उपप्राचार्य उमाटे, शिक्षक व कर्मचारी उपस्थित होते. यावेळी शासनाच्यावतीने पुरविण्यात येणाऱ्या विविध सेवांबाबत विद्यार्थ्यांना माहिती देण्यात आली. 

लोकसेवा हक्क अधिनियमांतर्गत पुरविण्यात येणाऱ्या विविध शैक्षणिक दाखल्याकरीता आवश्यक कागदपत्रांची माहिती देण्यात आली. नवमतदार नाव नोंदणी कार्यक्रम व मतदान ओळखपत्रास आधार जोडणीबाबत मार्गदर्शन करण्यात आले. निवडणूक विभागाच्यावतीने २१ सप्टेंबरपर्यंत मतदान केंद्रस्तरीय अधिकारी हे नवमतदार नोदणी, मय्यत मतदारांचे नाव कमी करणे, मतदानकार्ड मधील चुकीच्या दुरस्ती यासाठी गृहभेटी देत आहे. या भेटीतील कर्मचाऱ्यांना सहकार्य करण्याचे आवाहन विद्यार्थ्यांना करण्यात आले.





  Print






News - Wardha




Related Photos