महत्वाच्या बातम्या

 ज्येष्ठ साहित्यिक व कवी नामदेव धोंडो महानोर यांचे निधन


विदर्भ न्यूज एक्सप्रेस 

वृत्तसंस्था / मुंबई : ज्येष्ठ साहित्यिक व कवी नामदेव धोंडो महानोर यांचे गुरुवारी सकाळी निधन झाले. पुण्यातील रुबी हॉल रुग्णालयात त्यांच्यावर उपचार चालू होते. त्यांच्या निधनामुळे मराठी साहित्य विश्वातून शोक व्यक्त केला जात आहे.

ते ८१ वर्षांचे होते. शुक्रवारी पळसखेड या जन्मगावी गावी त्यांच्या पार्थिवावर अंत्यसंस्कार करण्यात येतील.

नामदेव धोंडो महानोर हे गेल्या ५-६ महिन्यांपासून आजारी होते. गेल्या महिन्यात हृदयविकाराच्या त्रासामुळे त्यांना पुण्यातील रुबी हॉस्पिटलमध्ये दाखल करण्यात आले होते. येथेच त्यांच्यावर उपचार सुरू होते. काही दिवसांपासून त्यांना व्हेंटिलेटरवर ठेवण्यात आले होते. मात्र गुरुवारी सकाळी त्यांची प्राणज्योत मालवली.

नामदेव धोंडो महानोर यांचा जन्म छत्रपती संभाजीनगर जिल्ह्यातील पळसखेड या गावी झाला. त्यांचे शालेय शिक्षण पळसखेड, पिंपळगाव, शेंदुर्णी येथे झाले. त्यानंतर जळगावातील महाविद्यालयात त्यांनी प्रवेश घेतला मात्र त्यांचे महाविद्यालयीन शिक्षण पहिल्या वर्षापर्यंतच झाले. महाविद्यालयीन शिक्षण सोडून शेती करायला ते आपल्या गावी परतले. मराठी साहित्यविश्वात ते रानकवी म्हणून प्रसिद्ध आहेत. त्यांच्या कवितांवर बालकवींचा प्रभाव जाणवतो. महानोर यांनी काव्यसंग्रहांबरोबरच अनेक चित्रपटांसाठीही गीते लिहिली. त्यांच्या या गीतांना त्यांच्या कवितांप्रमाणेच मराठी प्रेक्षकांची पसंती मिळाली.





  Print






News - Rajy




Related Photos