महत्वाच्या बातम्या

तहसील परिसरात वृक्षारोपण करून महसूल सप्ताहाचा शुभारंभ

- विविध दाखल्याचे वितरण

विदर्भ न्यूज एक्सप्रेस

प्रतिनिधी / वर्धा : महसूल प्रशासनाच्यावतीने १ ते ७ ऑगस्ट या कालावधीत महसूल सप्ताहाचे आयोजन करण्याता आले आहे. या निमित्याने महसूल दिनाचे औचित्य साधून तहसिल कार्यालय परिसरात उपविभागीय अधिकारी दिपक कारंडे यांच्याहस्ते वृक्षरोपण करुन व विविध दाखल्याचे वाटप करुन महसूल सप्ताहाचा शुभारंभ करण्यात आला.

यावेळी तहसिलदार रमेश कोळपे, नायब तहसिलदार अजय धर्माधिकारी, बाळुताई भागवत, हेमा जाधवर, भगवान वनकर, मंडळक्षअधिकारी, तलाठी तसेच कार्यालयातील कर्मचाऱ्यांनी सुध्दा या वृक्षरोपण कार्यक्रमास सहभाग नोंदवून वृक्षलागवड केली.

यावेळी तहसिल कार्यालय परिसरात विविध जातीची ३८३ वृक्षाचे वृक्षरोपण करण्यात आले. तसेच लाभार्थ्यांना सातबारा व ३२१ लाभार्थ्यांना शैक्षणिक प्रमाणपत्राचे वाटप करण्यात आले. महसूल सप्ताहा दरम्यान युवा संवाद, एक हात मदतीचा, जनसंवाद, सैनिक हो तुमच्यासाठी, सेवानिवृत्त अधिकारी व कर्मचारी सत्कार व संवाद असे विविध कार्यक्रमाचे आयोजन करण्यात येणार असल्याचे तहसिल कार्यालयाच्यावतीने कळविण्यात आले आहे.