महत्वाच्या बातम्या

 अहिल्यादेवी होळकर पुरस्कारासाठी अर्ज आमंत्रित


विदर्भ न्यूज एक्सप्रेस 
प्रतिनिधी / वर्धा : महिला व बाल विकास विभागाच्यावतीने महिला व बाल विकास क्षेत्रात उल्लेखनीय कामगिरी करणाऱ्या महिला व संस्थांना दरवर्षी राज्य, विभाग व जिल्हास्तरीय पुण्यश्लोक अहिल्यादेवी होळकर पुरस्कार देऊन गौरविण्यात येते. सन २०२०-२१ ते २०२३-२४ या वर्षासाठी इच्छुक पात्र महिला व संस्थांकडून या पुरस्कारासाठी अर्ज मागविण्यात येत आहे.

राज्यस्तरीय पुरस्कारासाठी लाभार्थ्यांचा महिला व बाल विकास क्षेत्रात किमान २५ वर्षाचा सामाजिक कार्याचा अनुभव असावा. ज्या महिलांना जिल्हास्तरीय पुण्यश्लोक अहिल्यादेवी होळकर पुरस्कार अथवा सावित्रीबाई पुरस्कार प्राप्त झाला आहे. त्या महिला तो पुरुस्कार मिळाल्याच्या ५ वर्षापर्यंत राज्यस्तरीय पुरस्कारासाठी पात्र राहणार नाही.

विभागीय पुरस्कारासाठी महिला व बाल विकास क्षेत्रात किमान ७ वर्ष कार्य असावे. नोंदणीकृत संस्थेस दलितमित्र पुरस्कार प्राप्त नसावा. संस्था राजकारणापासुन अलिप्त असावी. तसेच तिचे कार्य व सेवा ही पक्षातील व राजकारणापासुन अलिप्त असावी. जिल्हास्तरीय पुरस्कारासाठी महिला व बाल विकास क्षेत्रात किमान १० वर्षाचे सामाजिक कार्य असावे. ज्या महिलांना दलितमित्र पुरस्कार किंवा सावित्रीबाई पुरस्कार मिळालेला आहे. त्या महिलांना हा पुरस्कार अनुज्ञेय राहणार नाही.

राज्यस्तरीय पुरस्कारासाठी १ लाख रुपये, विभागीय पुरस्कारासाठी २५ हजार रुपये व जिल्हास्तरीय पुरस्कारासाठी १० हजार रुपये रोख रक्कम, स्मृतीचिन्ह, सन्मानपत्र, शाल, श्रीफळ देऊन गौरविण्यात येणार आहे. राज्य व जिल्हास्तरीय पुरस्कारासाठी लाभार्थ्यांनी पोलिस विभागाचे चारित्र्य प्रमाणपत्र सादर करावे लागेल. अर्जदारांनी प्रस्तावासोबत कार्याचा तपशिल, वृत्तपत्र फोटोग्राफसह, सध्या कोणत्या पदावर कार्यरत आहे. यापूर्वी पुरस्कार मिळाला असल्याचा त्याचा तपशिल जोडणे आवश्यक आहे.

विभागीय पुरस्कारासाठी संस्थेनी संस्थेची माहिती व कार्याचा अहवाल, पदाधिकाऱ्यांचेय चारित्र्य प्रमाणपत्र जोडणे आवश्यक आहे.

इच्छुक पात्र महिला व संस्थांनी आवश्यक कागदपत्रांसह १४ ऑगस्ट पर्यंत दोन प्रतीत प्रस्ताव जिल्हा महिला व बाल विकास कार्यालय, येथे सादर करावे अधिक माहितीसाठी कार्यालयाच्या ०७१५२-२४२२८१ या दुरध्वनी क्रमांकावर संपर्क साधावा, असे जिल्हा महिला व बाल विकास अधिकारी प्रशांत विधाते यांनी कळविले आहे. 






  Print






News - Wardha




Related Photos