पुलगाव आयटीआयला उत्कृष्ट औद्योगिक प्रशिक्षण संस्था तृतीय पुरस्कार
विदर्भ न्यूज एक्सप्रेस
प्रतिनिधी / वर्धा : नुकतेच ठाणे येथे इंडस्ट्री मीटचे आयोजन करण्यात आले होते. या कार्यक्रमात कौशल्य, रोजगार, उद्योजकता व नाविन्यता विभागाचे मंत्री मंगलप्रभात लोढा यांच्याहस्ते सन २०२०-२१ साठी महाराष्ट्रातील तृतीय क्रमांकाची उत्कृष्ट आयटीआय म्हणून पुलगाव येथील हरदयाल शासकीय औद्योगिक प्रशिक्षण संस्थेला पुरस्कार देऊन गौरविण्यात आले.
या संस्थेचे प्राचार्य एस.एस. कोकुलवार व तत्कालीन सेवानिवृत्त प्राचार्य डी.एल. गायधनी यांनी पुरस्कार सन्मानचिन्ह, प्रशस्तीपत्र व दोन लक्ष रुपयांचा धनादेश स्वीकारला. या कार्यक्रमाला विभागाचे अप्पर मुख्य सचिव आशिष कुमार सिंह, आयुक्त डॉ. रामास्वामी एन. व व्यवसाय शिक्षण व प्रशिक्षण संचालनालयाचे संचालक दिगांबर दळवी यांची प्रमुख उपस्थिती होती.
पुरस्कार स्विकारणाऱ्या समुहामध्ये शिल्प निदेशक पी.टी. पांडे, राष्ट्रीय सेवा योजनेचे कार्यक्रम अधिकारी व्ही.एम. मडावी तसेच सहायोगी शिल्प निदेशक ए.पी. म्हैसकर, एस.पी. कोठारी उपस्थित होते.
News - Wardha