पर्ल्स कंपनीमध्ये गुंतवणूक केलेल्या गुंतवणूकदारांनी ३० एप्रिलपर्यंत ऑनलाईन अर्ज करावे


- माजी सरन्यायाधिश लोढा यांच्या अध्यक्षतेखालील समितीचे आवाहन
विदर्भ न्यूज एक्सप्रेस
प्रतिनिधी / चंद्रपूर :
पर्ल्स  (पीएसीएल) कंपनीमध्ये अनेक गुंतवणूकदारांनी आपली रक्कम गुंतविली. मात्र या कंपनीने ग्राहकांची फसवणूक केली. यामुळे रक्कम परत करण्यासंदर्भात सर्वोच्च न्यायालयाच्या निर्देशानुसार माजी सरन्यायाधिश आर.एम. लोढा यांच्या अध्यक्षतेखाली समिती गठीत केली आहे. या समितीने ३० एप्रिलपर्यंत गुंवणूकदारांनी रक्कम परत मिळविण्यासाठी ऑनलाईन अर्ज सादर करण्याचे आवाहन केले आहे.
माजी सरन्यायाधिश लोढा यांच्या अध्यक्षतेखालील समितीमार्फत गुंतवणूकदारांची रक्कम परत करण्याची कार्यवाही सुरू आहे. याकरीता गुंतवणूकदारांनी सेबीच्या sebipaclrefund.co.in या  संकेतस्थळावर ३० एप्रिलपर्यंत ऑनलाईन अर्ज भरून दावा दाखल करावयाचा आहे. कंपनीच्या गुंतवणूकदारांना ऑनलाईन अर्ज भरण्याकरीता जिल्हाधिकारी कार्यालयाच्या मार्फतीने ई - सेवा केंद्रामार्फत सुविधा उपलब्ध करून पर्ल्स कंपनीच्या गुंतवणूकदारांनी ऑनलाईन अर्ज भरून देण्याबाबत शासनाने आदेश काढले आहेत.

 



  Print






News - Chandrapur | Posted : 2019-04-21






Related Photos